恭喜晒！
獨力撫養3名兒子的「美魔女」羅霖，榮升為奶奶！在美國讀書的次子劉子熙（Jordan）不單今年已大學畢業，並且已成家立室，在本月8日於美國跟拍拖1年多的日德混血兒女朋友Dhyana註冊。由於疫情關係，羅霖未能親身到場見證兒子的婚禮。婚禮在叢林中舉行，簡單而充滿詩意，穿上設計簡約婚紗的Dhyana則肚凸凸，腰肢圓潤。Dhyana在社交網留下愛的宣言，說能成為Jordan的太太是值得光榮及驕傲，每天在一起是非常開心，又說Jordan令她的人生更圓滿。
羅霖接受東網訪問，表示要待疫情好轉，才飛往美國替兒子補辦婚宴。她說：「冇諗過囝囝咁快結婚，做奶奶嘅感覺係好開心，因為我好鍾意呢個新抱，覺得佢好正面、充滿正能量，係一個好開心、單純簡單嘅女仔，希望囝囝好好珍惜。我同囝囝講，好難得可以同真愛喺埋一齊，見到佢哋好恩愛，好錫大家。我同媽咪都有同新抱視頻咗好多次，我哋仲同佢講：『你唔使擔心Jordan會蝦你，我同媽咪都會支持你。』」
至於Dhyana穿婚紗時肚凸凸，羅霖否認她是奉子成婚，說剛畢業的Jordan暫無意返港，因不想跟太太分開，會在美國當地找工作，而Dhyana則在明年才畢業，她說：「新抱唔係有咗，可能套婚紗嘅設計，有肚凸凸嘅錯覺。我叫佢哋好好計劃，等經濟獨立，先至生小朋友，唔好咁急，要好好享受二人世界先。佢哋咁快結婚，一來係熱戀中，二來係唔想分開，Jordan想結婚後喺當地居留，同太太一齊生活。Jordan畢咗業，我負擔係輕咗好多，如果佢搵到工，各方面穩定嘅話，我就可以輕鬆啲，當然結婚開支暫時我要資助，囝囝話將來搵到錢會畀返我。」她續說長子未拍拖，是遲婚主義者，坦言自己是開通母親，兒子的人生大事由他們作主。
到內地工作超過1個月的羅霖，說工作方面尚算順利：「香港基本上冇乜工作，酬金方面當然係內地好啲，比較難捱嘅係要14日隔離，第1次離開屋企1個半月，真係唔習慣，我媽咪又會擔心我嘅健康，而我都擔心佢，所以每日都會視頻。」
----------------------------------------
「繽FUN星網」誠招各類有趣短片！
家有可愛貓狗，想同更多嘅人分享？
有橋有料，素人想一片成名？
立即寄片嚟： bunfun@on.cc
來源 source: http://hk.on.cc
|
鍾意就快D Share啦！
|
|
|
