曾偉權患上肺癌後專心休養，唯一令他出心出力去做便是爭取流浪貓狗權益及向大眾發放正面信息，自從曾偉權死訊傳出，網上流傳他於去年6月9日參與百萬港人上街遊行片段後，又多一條他坐在酒家分享人生觀約2分鐘長片段，曾偉權借用自己於劇集《牛下女高音》的角色「黑仔」作話題。
片中曾偉權明顯消瘦及疲倦，但分享過程中不時展露笑容：「Hello，大家好，我係曾偉權，喺《牛下女高音》入面嘅『黑仔』，『黑仔』本身性格因為成日都黑嘅，嗰命運好慘嘅，做邊行，嗰行就式微。畀我自己嚟講都有啲啟發。好多時我哋人生喺世界上面都有好多阻滯，有時會健康問題，有時工作問題，好多問題都會發生，自己控制唔到。我成日都講，如果自己可以控制到、可以改變嘅，就盡量去改變。如果唔可以改變嘅，自己去接受。接受同時，睇吓用咩方法去處理。可以改變到自己心態去接受，呢嗰係最好嘅，因為唯一可以改變嘅係我哋自己性格，健康我哋控制唔到。但係我哋自己點諗，我哋自己可以改變。就好似啲人有啲病突然間出現咗，你無辦法控制，你唯一方法就係接受。橫掂都係面對，我嘅方法就係積極去面對，盡自己嘅能力，做得幾多做幾多。好多嘢我哋都係無辦法，如果話我養寵物，啲狗狗年紀大咗，佢哋都係10幾年命就會冇，佢哋走嘅時候一定好傷心，但問題係你傷心之餘，你係咪已經冇遺憾先？如果冇遺憾係OK嘅。你就可以對住佢笑住面對，你已經為佢盡咗好多力，盡咗好多你可以做嘅一切，只要盡咗力就無所謂，我成日覺得只要你盡咗力就無問題，所以呢個係我自己嘅睇法，亦都係黑仔裏面畀我嘅啟發，希望幫到大家。」
在生活中，他不時關注流浪貓狗及鼓勵別人。在工作上，他是不少藝人眼中樂於分享經驗及提教指點的好前輩，圈中不少藝人昨晚起都紛紛在網上悼念，與曾偉權合作演出劇集《點解阿Sir係阿Sir》及《當旺爸爸》的鍾嘉欣在IG貼上夜空看似心型月亮相寫道「Rest In Peace 曾偉權。It was so nice working with you on 點解阿Sir係阿Sir and 當旺爸爸。 You were always so nice on set and easy to work with. You made me get into my character more with your great acting. You will deeply be missed.（安息 曾偉權。非常榮幸能與你合作演點解《阿Sir係阿Sir》同《當旺爸爸》。你永遠都係隨和同易於溝通合作的，你令我好快投入角色同發揮到好演技，你的離開讓我非常惋惜。」，洪永城亦在IG分享幾張跟曾偉權的劇照，他帖文「可惜，只可以同你合作一套劇。記得有一場戲我做極都做唔好，你拉我埋一邊、逐個走位、逐句對白教我，真係好多謝你，你係一個好犀利嘅前輩，無論拍到凌晨幾點，你都係一樣咁正面、咁有能量、咁好人。一路好走權哥。」另外與曾偉權於劇集《來生不做香港人》演一對夫婦的劉美君也在IG寫上「Rest in peace, 曾偉權，my tele-hubby!! You’ll be missed....（安息，曾偉權，我螢幕上的丈夫﹗﹗永遠失去你...）」而杜大偉也在IG分享「工作中傳來如此噩耗，權權師兄，感謝你多年來的提點，願一路好走，我永遠懷念你！#2020年快點離開吧 #今年實在失去太多了」。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
