錢國偉上月因胰臟癌病逝，他在十七年前執導的第一部無綫偶像劇《四葉草》，找來一班新人黎樂懿，唐詩詠、姚子羚和李雨陽等演出，幾位演員至今仍留在大台，在劇中演富二代Don少，現年41歲的李雨陽早已經離開。
因為《四葉草》，他由沒有經歷到明白要把握每個機會。李雨陽對帶他入行這位恩師，一直心存感激。縱使拍《四葉草》後，兩人只不過合作了多一部電視劇，便沒有再特別聯絡。
他說去年夏天，他跟太太到西貢巿，碰到瘦了很多的Wilson，才知道對方患病。
- 17年前，無綫推出第一部《四葉草》，除李雨陽外，時光流逝，當日青澀少年各有發展，已有升呢做男一的黎諾懿、視后唐詩詠，也有轉做經理人的戴夢夢，更有嫁到外國多年的Race。
- 李雨陽(左一)六呎高，百分百陽光男，外型似當年的台版F4，不過際遇卻未如他們。
- 李雨陽說他當日自信心爆棚，以為總有一日會成為男一。
- 錢國偉不單是《四葉草》一班新演員的伯樂，他其後也進軍影壇，拍住周星馳合作賀歲片，更成為他事業上的一個突破。
「當時好飄，真係好飄。有日去旺角行街，只係行咗一個街口，好多人圍住叫Don少，當時真係感覺離地。然後見到名牌，其他人話Don少你唔係唔買？就係由嗰時開始，慢慢累積債務，當時仲未爆破，只係覺得今個月唔係好得啫，暫時碌卡先，下個月就應該搞得掂。永遠有個思想，驅使自己繼續唔好離開Don少呢個框框，永遠都覺得下個月一定掂。」他憶述。
直至一年後，李雨陽始感覺不對路，因為事實未如他預期，沒有工作找上門，只有小朋友認出他，有些人甚至不知李雨陽是誰，電視台監製覺得他演技幼嫩。他說並沒有坐以待弊，堅持每天返公司，到不同部組叩門，然後週一派西餅，直至監製勸他停止。
現在回想，他認為當時未有好好跟人溝通：「而家都唔係好識同監製或者導演傾偈，變相永遠見面都只識得打招呼，講一講啲好表面既說話，冇好深入交流。
一年後，只係拍咗一套《學警雄心》。」多年後的今天，他幽默指自己是一部稱職的對白機器。
等了再等，李雨陽終於遇上另一位給他機會的人：「之後幸運遇上小菁姐搵我拍《法政先鋒》，有梁烈唯、楊秀惠、曹永廉同蒙嘉慧，開始同唯唯熟，識得溝通，發覺要多啲聽其他人講戲，慢慢開始有進步。」不過由主角變配角這個關口，李雨陽坦言性格樂觀，否則早已經有輕生念頭。
「好彩我唔係偏向陰暗面的一個人，當時的確唔開心，見到自己走下坡，另外同劇幾位有好多通告，繼續廠接廠。」他說。
- 梅小菁監製的《法政先鋒》，是他在《四葉草》後的另一次難得演出機會，他至今依然感激監製。
「佢唔係幫手還咭數，而係照顧我起居飲食，好彩當時爸爸買咗樓，我冇屋租負擔，只不過係自己使費用多咗，所以先累積咗咭數。其實當時幾難受，一個大男人好似好威，但幾個月無收入，要開聲問女朋友攞錢食飯。」他十分坦白。
在無綫9年，其間再拍了一部有不少戲份的《烈火雄心》，他才死心決定離開。
「拍《烈火雄心》嗰一年好似好威，差唔多有90幾個騷，嗰段時間收入又好似好番啲，但之後就無再起，同藝員部傾約，又減騷，總之係公司要減少支，大家都受到影響。直至王生開台搵我傾，人工唔係好多，但保證有一個固定底薪，當時我冇再問曾經合作監製意見，二話不說答應走人。」他說離開因實在需要固定底薪。
「因為我知道咭數一直滾落去唔係辦法，一定要有底薪，然後搵一間財務公司，借筆錢一次過清還，再定下目標每個月還幾多，有一個盼頭，就係三年或者五年可以還晒，唔可以無止境咁落去。回想當時感受，我由屋企行去觀塘嗰間兄弟財務公司，真係忍唔住喊，戴住帽垂低頭入去，攞住身份證，然後又要對，睇吓張身份證係咪你。」他笑言當日財務公司職員反過來安慰，指有不少娛圈人都有幫襯，就算不是事實，李雨陽都感到有一點溫暖。
一直在身邊支持的初戀女友，也因他當日貪玩性格，在拍《烈火雄心》時，終於提出分手。但到今日，李雨陽還覺得欠她一份情義。
「嗰陣時識人多咗，應酬多咗，自制能力唔係高，更試過酒後駕車，好彩真係無事，我諗嗰時做咗好多嘢令到對方失望。」他說。 舊事，像轉眼便過去。李雨陽其後放下身段賣原味雞，在街巿派傳單，因而有「雞佬」稱號，不過最後還是蝕錢離場。17年結婚生了第一個孩子天天，他和太太在觀塘開檔賣小食，每早7點開舖，又會落場洗碗碟，本來生意不錯，因為社會運動等響，不得不結束營業。今年9月，女兒出世，他每天接送兒子上學，之後到開電視開工。第一次擔任主持，他覺得是個不錯嘗試。
「無做過咁健康正面話題，需要坐定定。同時最初對住方小姐(健儀)真係有壓力，擔心佢唔會講笑，好嚴肅，好似DO姐、汪阿姐咁，做事好認真。但相處後發覺唔係，佢好肯遷就人，又唔會因為我出錯而黑面，所以都好開心。」李雨陽自知有不少貴人，以往也未有好好把握機會。前事不忘，後事之師，他今日十分重視每個機會。
由昔日的Don少成為今日的一家之主，家庭再添成員，李雨陽坦言縱使有壓力，也視為推動力，他說：「即使好忙好攰，但點忙碌都好，聽到個仔問『爸爸你聽日返工呀？』點辛苦都覺得值得。」
- 13年，香港電視開台不成，他放下身段賣原味雞，並親自送貨。
- 本刊拍得他在地鐵跟顧客交收。
- 香港電視拍了幾部劇，其後在其他網絡平台播放。
- 在開電視擔任主持的健康節目《Fit 開有條路》，跟方健儀合作。
- 在節目前，有大堆專有名詞要熟讀，他覺是架一個難得嘗試。
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
