駱達華當時覺得唔對路，即刻解約北上發展。
藝人林建明（大姐明）與盧海鵬為ViuTV節目《林盧去追星》到訪上海車墩影視樂園，探望已北上發展並定居上海的老友駱達華。與駱達華一碰面，大姐明即稱呼他為「契爺」，她解釋謂：「80年代我同寶珮如（Baby）喺亞洲電視做過一個節目，大家好投契，有次我開玩笑咁叫Baby做『契媽』，跟住大家就以『契媽契女』」相稱。當時駱達華同Baby拍緊拖，我咪叫佢『契爺』囉，依家就算佢哋分咗手咁多年，我都改唔到口﹗」
節目中駱達華帶林建明與盧海鵬參觀臨時演員試鏡，又在片場捱飯盒。駱達華感嘆以往在香港開工時非常厭倦吃燒味飯盒，但到內地發展後卻很掛念這種港式風味。盧海鵬笑言自己並不在意飯盒的味道：「我有飯盒食就已經好開心，因為咁就代表嗰日有得撈嘛！」駱達華坦言當初決定離開香港電視圈，是因為當時意識到無綫有意將資深藝人換走，加入一批新血，自感前路茫茫，於是與太太商量後決定解約，嘗試到內地發展另謀出路。
來源 source: http://hk.on.cc
|
鍾意就快D Share啦！
|
|
|