馬天佑先後找不同歌手合作，翻唱經典作品實踐他的《0號實驗室》計劃，今次找來龔慈恩的仙氣女兒林愷鈴（Ashley）合唱陳奕迅（Eason）金曲《Lonely Christmas》，並由林愷鈴填上全新英文歌詞。
林愷鈴自小學音樂，精通不少技巧，喜歡唱歌創作，今次在緊急情況下完成歌詞：「錄歌前一日先完成，之前考試太忙，本身首歌廣東話歌詞寫得好好，好有意境，我只需要將英文加少少個人化感已經OK。」馬天佑對林愷鈴之作十分滿意，二人合作過程順暢。
至於馬天佑為何點名和林愷鈴合作？他說：「2018年已經開始留意佢IG，見好casual鍾意坐地板唱歌，當時覺得成個王若琳同Amy Winehouse，好有Jazz感覺，已經將佢on list，希望有一日會合唱。」而林愷鈴通過今次合作學識輕鬆演唱，她說：「我對唱歌好執着，好多嘢都好謹慎，今次學識要放鬆以一個自然心態面對，獲益良多。」馬天佑即說：「過程好好玩，感覺到佢係非常固執硬頸嘅人，最開心係我哋錄音過程見佢打開自己感情演繹，睇到呢個轉變好開心。」
林愷鈴有意向歌星發展，早前已投身影圈，拍攝劉德華主演的《熱血合唱團》，電影上映一星期因疫情煞停，她感到可惜：「當然覺得少少唔開心，要暫時同觀眾停一停（見面），我好有信心戲院開返觀眾會入場睇，呢套戲正正要呢個時間出，因為充滿正能量，會令人對世界有希望嘅一套電影。」電影煞停後連串宣傳工作亦叫停，林愷鈴無奈：「唔止電影，好多工種都停，要顧及大家安全，好嘅電影有正能量，相信觀眾會支持。」
聖誕節將至，林愷鈴笑笑口表示冇異性相約，享受家中lonely Christmas ：「我都好少慶祝節日，可能我好懶，擺啲嘢出嚟一個月又要收返埋，我都係慢慢享受假期喺屋企休息多啲，多啲時間做自己想做嘅嘢。」馬天佑則完全相反，喜歡好友相聚溫馨火熱感覺，已訂了聖誕樹，期待在家裝飾。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|