龔嘉欣情傾機師 排戲濕晒
龔嘉欣與應屆港姐冠軍謝嘉怡等擔任星級評判，其中龔嘉欣還跟參賽者重演《香港愛情故事》的情節，她說：「會有床戲……係床上嗌交嘅戲，同埋求婚戲。（點解唔演番真床戲？）可能對參賽者嚟講太難！」在旁受訪的羅天宇踢爆她喜歡麥大力：「佢哋有一場求婚戲，佢（龔嘉欣）開心過同我拍。」龔嘉欣聞言笑說：「係呀！但係兩回事嚟嘅，麥大力原來除咗係機師，仲係醫生，雖然中文差啲，但佢講對白好真誠，綵排時都講到我眼濕濕。（想搵佢做男友？）我想佢成為我嘅新同事。」
而謝嘉怡同樣「睇中」麥大力，讚他做機師很叻，問到是否特別鍾情混血兒？她說：「可能！佢人好好，同我講嘢一樣嘅，大家同聲同氣。（揀佢做男友？）唔好我又唔係搵緊男朋友。」提到早前隨父親去同鄉會後被叫做「東莞小姐」，她摸不着頭腦說：「吓！我係香港小姐，冇參加過嗰個選舉喎！」
來源 source: http://orientaldaily.on.cc
|
鍾意就快D Share啦！
|
|
|
