雖然係同分，但最終以觀眾投票嘅結果為主。
ViuTV選秀節目《全民造星III》今晚舉行總決賽，到第3輪自選項目，趙祥誠（Ben）表演擅長的折骨舞，王菀之很喜歡其表演，鄧麗欣開心現場睇到他「斷手」，笑言睇到好激動。壓軸表演的陳葦璇一改快歌路線，唱出慢歌《願》，但期間不慎走音，王菀之謂對方一開始唱時很擔心，因首歌很難唱。之後50強出場表演，但一度發生故障。
經過3輪比賽項目後，冠軍是趙祥誠（Ben）爆冷勝出！亞軍是陳葦璇，季軍是陳毅燊（ANSONBEAN）！雖然3人同屬得17分，但最終因Ben於觀眾投票中得分最高，所以Ben成為冠軍。
Stephy毛舜筠睇好ANSONBEAN爆紅
鄧麗欣（Stephy）和毛舜筠（Mo姐）賽後接受訪問，問到如果再揀會揀邊三甲，Mo姐說：「我點揀都會揀ANSONBEAN，覺得佢所有嘢都好平均，無論唱歌定跳舞都好好，佢個樣就係一粒星囉。」
Stephy說：「真係好難，我揀時都𢱑晒頭，我覺得葦璇係好值得攞冠軍，依家Ben攞第一又好好喎！我覺得觀眾好公平嘅，做星要有觀眾緣，好緊要嘅，自己做評判好難好緊張，覺得好似自己比賽緊。」她們說由第1集開始睇，Mo姐表示喜歡ANSONBEAN：「一粒星就係咁㗎條路可以好長，（可唔可以演戲方面發揮？）咁靚仔一定得啦，通常唱得嘅人，表達感情方面都冇問題囉，只要多啲機會磿練，（向公司推薦？）相信公司一定睇到」Stephy就讚ANSONBEAN眼細，似韓星，好多妹妹仔一定鍾意，稱好想招攬他入隊。
來源 source: http://hk.on.cc
|
鍾意就快D Share啦！
|
|
|
