恭喜晒！
《衝上雲霄大選》賽果終於出爐，三甲清一色全男班，結果由34歲曾任機長的麥大力奪冠獲「衝上雲霄」大獎，亞軍則是30歲的盛勁為，至於季軍是28歲的陸煥恆，而「才藝大獎」則由楊銘熙演唱「頭髮亂了」勝出。公布亞軍時，盛勁為被主持形容是麥明詩緋聞男友，令他十分尷尬。
麥大力受訪時表示對得獎感到驚訝，並多謝無綫及其他參賽者的支持，覺得很好玩，問到如何慶祝？他說：「一定要帶佢哋出去食飯，當然係由我請食飯，食乜都得。（你贏喺邊方面？）我都唔知，個個都好有才能，佢哋又高又大隻。」他認為今比賽是個很好的經驗：「可以有呢個機會喺咁多人面前演出。（你會做藝人？）我會。（唔做機師？）never say never。」
盛勁為與大隻仔陸煥恆分別奪得亞軍及季軍，問到盛勁為輸給麥大力會否感失望？他坦言：「絕對冇失望，我企喺佢隔籬，佢咁靚仔，佢個樣擺喺度已經贏。（覺得你輸在乜？）輸在個樣同埋唔係混血兒。」他自言從來沒想過會得獎，只是當參加派對：「因為冇嘢做，所以嚟參加，估唔到咁Chur，所以我好尊敬港姐，真係頂唔順。（麥明詩冇同你講好辛苦？）佢冇講。（你想做藝人？）我都有興趣喺幕前發展，覺得同大家好好玩，好新鮮，但都好大壓力。（唔做機師？）將來嘅嘢唔知。」
至於陸煥恆稱沒有想過獲獎：「參加係為學習吸取經驗，我好少幕前工作經驗，呢幾日獲益良多，識到一班好朋友，佢哋好玩得，一世難忘。（會唔會諗住做幕前？）都可以試一試，難得無綫畀機會我哋。」
而奪得才藝大獎的楊銘熙，問他是否預料之內？他笑言：「唔係，好多謝無綫，呢個係我夢想，我以前係舞蹈藝員，只係企喺側邊，我想做主角，今次夢想成真。（你表現好進取，但三甲不入會唔會失望？）唔係，我冇諗過攞獎，因為冇包袱，所以就輕鬆啲同發揮好啲。我真係可以拍《空少帶你去旅遊》，我鍾意表演，我之前都係舞蹈藝員，對呢方面好有憧憬，我鍾意跳唱。」他跟曾是空姐藝人朱智賢是同班同學，他稱對方有提示他不用緊張，輕鬆參與便可。
來源 source: http://hk.on.cc
|
鍾意就快D Share啦！
|
|
|
