今年的《全民造星III》在零觀眾入場的情況下，現場氣氛跌至低點，而台下似乎就只剩下四位評判毛舜筠（毛姐）、鄧麗欣（Stephy）、王菀之和ViuTV製作部副總裁金廣誠，但大家都只是一面倒「有讚無彈」，反遭網民鬧爆「好假」，寧願召喚之前的評判欣宜、許廷鏗做總決賽評判。
在第二輪的比賽後，評判輪流對每位參賽者給予評語，當KLAU唱完後，Stephy向他說：「今晚睇到，同電視睇到嘅你唔一樣，好舒服，好感動，好好睇，所以得唔得到獎，你已經贏咗。」之後又讚Cloud：「我睇到佢有好多可能性，頭先黑色嘅rock，而家白色嘅柔情，好駕馭到舞台，印象非常深刻，但最令我深刻係之前你嘅演戲，我非常欣賞你。」但都未夠毛姐讚得誇張，指ANSONBEAN是《全民造星》這顆「星」，她說時有點語窒，逐個逐個字說：「唱得、跳得，有樣，有台型，《全民造星》你就係嗰粒星！咁靚仔，去做戲啦，演技方面會有新嘅發揮。」她直認已被ANSONBEAN俘虜。NY跳唱完，毛姐再說：「當然啱我睇，你喺10強嘅表演已經好吸引，好精彩。」
反而網民不留情面嘲笑評判：「班評判啲評語聽到好尷尬」、「叫返牙醫返嚟好無」、「今晚評判啲comment個個都讚到無野好彈咁」、「點解唔搵欣宜同鏗鏗做評判呀？」、「評審D評語好廢」、「啲評判個個都淨係識有讚冇彈？唔掂喎，有啲位我都聽到唱甩咗佢哋唔講嘅？」。
最大驚喜位，可說是經常被指「發呆」的CY竟然一語K.O金廣誠！當金廣誠給評語時說：「你把聲有少少Eason嘅初期，我好想你有自己Style出到嚟。」CY反駁：「但呢個係我把聲嚟個喎，我平時講嘢把聲都係咁個喎。」全場靜晒。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
