親解老婆嚇到冇表情之謎 王浩信指坐得耐又凍：攰都唔出奇
TVB《萬千星輝頒獎典禮2020》於昨晚舉行，所有獎項都塵埃落定，當中王浩信憑《踩過界II》膺雙料視帝，同時憑《反黑路人甲》與張振朗、朱敏瀚奪得最受歡迎電視拍檔，成為大贏家。受訪時，浩信表示：「原本冇太大信心得獎，但都希望趕返嚟參與頒獎禮，感恩今次大豐收，亦要多謝鄭則仕當年教導。」他又否認發表得獎感言時講錯《反黑路人甲》，並謂：「因為『盲俠』之前講過，演員嘅獎項係計一年嘅努力，所以名都只係虛名。」
提到在台上罕有公開感謝太太陳自瑤（Yoyo），浩信強調：「之前得獎都會公開多謝佢，係由心感激佢嘅一句說話，我覺得喺咁有份量嘅舞台上多謝佢係是應該嘅。」有指Yoyo在台下嚇到冇表情，他說：「可能天氣寒冷，又坐咗一整晚，大家感到攰都唔出奇。（Yoyo上台攬你？）係，佢送上祝福，我都好開心，多謝佢。」問到會否與家人慶祝，他坦言：「今晚唔會慶祝，因為返到去大家都已瞓咗，自己生日都唔會慶祝，一向好少慶祝。」
騷後，二度奪視帝的浩信就步出電視城，跟門外守候的10多名粉絲合照，粉絲們又送上蛋糕、香檳和鮮花祝賀浩信；而在他現身前，聲稱冷親感不適的Yoyo已先行離開，並由蕭正楠（Edwin）與黃翠如夫婦駕車送回家，其間Edwin又特意停車，讓翠如接粉絲的禮物，做在後座的Yoyo就一直低頭玩電話。
來源 source: http://hd.stheadline.com
|
鍾意就快D Share啦！
|
|
|
