2021年4月30日星期五

【頭條獨家】亞姐打鼓為拳擊節目做勢林寶玉晒腹肌34E張可盈最「澎湃」 #亞姐 #亞洲小姐 #張可盈 #郭可盈

亞姐打鼓為拳擊節目做勢林寶玉晒腹肌34E張可盈最「澎湃」

6位亞姐打鼓為ATV拳擊節目做勢，其中以晒腹肌林寶玉及34E張可盈最亮眼。

正當TVB用9大綜藝節目力戰ViuTV時，原來亞視都默默起革命，除籌備拍新劇外，還每月一次直播拳擊節目《KF 1百萬拳王》，由6位亞姐蔡小蝶、范莎莎、林寶玉、張可盈、何雙妍及高文君為節目表演打鼓，務求為亞視打出聲勢。操出馬甲線的林寶玉封為「女拳王」；34E張可盈最「澎湃」成為全場焦點，33B嬌小范莎莎亦笑言唔敢企佢隔離！採訪：方騫平攝影、譚壹致化妝：[email protected]_maker

《KF 1百萬拳王》由麥長青主持，6位亞姐為拳手吶喊助威，打開拳嘅33C林寶玉大晒腹肌，並被選為節目特刊嘅封面女郎，當日6位亞姐接受本報訪問時，她還即場教張可盈修腹秘訣。

胸大影響打鼓

林寶玉Keep住有做運動，但因為之前工作過勞，加上打鼓觸及舊患令韌帶撕裂要睇急症：「嗰日成個人跪咗喺度，要人扶住坐上輪椅，連呼吸都痛，最後停工一周瞓牀。」不過，講到靚仔拳手，林寶玉就開心返：「我睇中師傅吳嘉晉(咖哩哥)，佢個樣一啲都唔惡，好正氣，我好似小粉絲咁，會為佢歡呼！」在旁的范莎莎即舉腳贊成說：「我鍾意大隻肌肉型男，佢哋keep到身形，證明對自已有要求，生活有規律。」她自爆有3個以上追求者，但目前事業為重，問到現階段係咪只「收兵」？她秒回：「Just friend！」

至於「最佳完美體態」獎張可盈表示以前好肥，就算減咗30磅，上圍變化唔大，仲話身材太勁都影響打鼓，范莎莎即取笑她打鼓時有回彈力！另32B何雙妍唔夠體力，打鼓時成日企唔穩失手；而蔡小蝶最怕血腥，見拳手受傷會驚到喊埋一份；高文君話打鼓可以減到「拜拜肉」。