繼「泡菜之爭」後，中韓網民又爆發咗新一輪嘅爭吵，雙方角力嘅主角就係我地廣東名菜──「參雞湯」。日前，南韓教授徐坰德抗議百度將參雞湯歸源自中國，並致函百度要求刪改。經過媒體一番渲染後，中韓網民正式開戰！![南韓教授抗議參雞湯係廣東菜！「神級證據」力證源自韓國]()
撰文：Andy｜圖片：徐坰德IG、紐約時報 截圖｜編輯：海月
參雞湯來自韓國？ 韓國教授神級「證據」證明參雞湯非廣東菜
根據內地網站百度百科描述，參雞湯是一道「中國古老的廣東粵菜湯類家常菜」，「傳至韓國後，成為當地最具代表的宮廷菜之一」。
綜合韓媒報導，韓國誠信女子大學教授徐坰德上月30號稱自己向百度百科發郵件。該名教授抗議百度喺「參雞湯」詞條中，將其起源歸於中國廣東，佢要求百度刪除相關表述。
百度百科「參雞湯」詞條中寫道，「參雞湯是一道以高麗參、童子雞和糯米煲成的中國古老的廣東粵菜湯類家常菜之一，傳至韓國後成為最具代表性的韓國宮中料理之一。」
徐坰德敦促百度百科刪除參雞湯詞條中「是一道中國古老的廣東粵菜湯類家常菜之一，傳至韓國後成為」的表述。佢指中國冇參雞湯嘅海關編碼，而南韓就有。海關編碼影響出口商品時嘅稅率，部分產品會標明地方，以較少入口關稅。雖然海關編碼同起源地冇任何關係，但雙方網民已經劍拔弩張，喺網絡媒體上開戰！
徐坰德多次引戰 獲利頗豐 收韓國網民吹捧
徐坰德曾多次炒作所謂「歷史爭議」，引發中韓網友多輪網戰。去年12月，徐坰德向中國百度公司發郵抗議，對百度百科「泡菜」詞條中「韓國泡菜源於中國」一表述表示抗議，百度其後刪除內容。
其後更引至多個韓國直播主喺中國直播網站被指責。更有食播主因呢件事表態唔夠堅定，被中韓兩地網民責罵。
來源 source: http://www.nmplus.hk
|
鍾意就快D Share啦！
|
|
|
