2021年4月30日星期五

【勁過chok峯】穿粉色西裝大跳浪漫舞盧瀚霆望「神徒」感受被寵愛

盧瀚霆(Anson Lo)粉色廣告造型，打造成浪漫「男神」，今日宣傳活動獲過百「神徒」撐場。

人氣組合MIRROR開騷在即，但成員不停有搵錢Job做，好似「教主」盧瀚霆(Anson Lo) 咁，日前以夢幻玫瑰妝容搭配粉紅⾊⻄裝造型拍攝唇膏廣告片，加上精湛舞步及撩⼈眼神，電暈⼀眾「神徒」。而今日他用返粉色造型，跟陳蕾和Serrini出席宣傳活動時獲過百「神徒」撐場，Anson Lo 魅⼒⼗⾜，chok到盡，邊跳舞邊放電，又⼤派⼼⼼，令「神徒」驚呼狂叫！

原來「教主」拍廣告一啲都唔馬虎，今次編排嘅舞蹈相當有心思，特地加入咗甜蜜浪漫舞步元素，希望能夠令⼤家感受到被寵愛感覺！Anson Lo 說：「為咗要表達我對⼤家嘅愛，喺遊樂園裏⾯，我為⼤家準備咗唔少嘅驚喜，等⼤家慢慢親⾃發掘！」同場出席的陳蕾和閨密 Serrini互塗唇膏，更交流⾳樂及扮靚⼼得。