2021年4月30日星期五

為部戲剃頭怕生唔返出嚟梁家輝潮州話配音講錯晒好崩潰 #張家輝 #梁家輝

為部戲剃頭怕生唔返出嚟梁家輝潮州話配音講錯晒好崩潰

梁家輝出席新片《金錢帝國：追虎擒龍》首映禮。

梁家輝出席電影《金錢帝國：追虎擒龍》首映禮，他透露配音也是由自己完成：「想更貼近角色，雖然拍攝用廣東話講，但之後我要王晶請老師教我用潮州話配音。」原本半日可完成的配音，卻因梁家輝發音不準未能準時收工，他笑指最後老師和他也好崩潰。梁家輝又指拍攝《金》片時要化特別妝，「拍完臉部皮膚都鬆晒，原本仲想扮四哥（謝賢）出席活動，最後畫虎不成反類犬。」

《金》片中，梁家輝要親手剃掉額前頭髮犧牲好大，問到會否怕頭髮不再長出來？「其實我驚，但演員要專業，好彩頭髮有生返出嚟，老而彌堅！不過拍《寒戰》都試過光頭（平頭）啦。」他早前拍畢抗疫電影《總是有愛在隔離》後便自我隔離至今，現正等待王晶另一新片，「如果落實開工就留喺香港，唔係就會到內地工作。」提到會否接種疫苗？梁家輝表示：「如果係必要都會打，唔係必要就自我隔離。」今年63歲的他有感年事已高，故每年也會驗身，慶幸身體好健康仍未有三高。