被嘲「刀削面」認有情緖 胡鴻鈞：我唔係成仙成佛冇感受就假
胡鴻鈞（Hubert）日前接受TVB娛樂新聞台節目《StarTalk》訪問，對於新歌《整親》帶點自嘲成份，例如歌詞中提及「刀削面」，過去曾被網民質疑削骨整容的Hubert説：「呢首歌係總括我入行至今，外界對我嘅評語，有好有唔好，經歷咗咁多年，到呢刻再次面對，喺自己心態上嘅轉變，從而帶出正能量畀大家。」並盼每年也能推出一張概念專輯，記錄及剖白自己的事情。
問是否完全看透昔日負評？Hubert說：「我唔係成仙成佛，對所有評論冇感受就假，之前面對負面評論時可能會不知所措，唔知點面對，一定會有情緖，所以而家要學懂平衡，識得用樂觀心態面對。另外，錄音有個小插曲，可能自己面對呢啲評論有點豁達，起初演繹時未如理想，所以監製蘇道哲特登上網搵番我昔日嘅負評同片段畀我睇，帶我進入番嗰個情緒。」
談到曲風有別過往的慘情歌風格，Hubert坦言今年想跳出框框，他説：「自己都唔甘於淨係唱慢歌，希望透過歌曲畀樂迷知道我其他嘅可能性，或者有一日我都能夠變成跳唱歌手或Rapper。我覺得跳舞會令自信多咗，更加認識自己，之前睇電視見到鄭欣宜又跳又唱，畫面好震撼、好吸睛，我直頭拎住碗飯，食食吓呆咗咁睇，但而家我同佢跳舞嘅距離仲差太遠。」
來源 source: http://hd.stheadline.com
|
鍾意就快D Share啦！
|
|
|
