黃文慧拍《嚦咕嚦咕》NG50次 爆劉德華幫拖揸貓紙
黃文慧作客楊盼盼主持的香港開電視節目《盼你賞面》，二人識於微時，於70年代合作《萍蹤俠影錄》後成為好友，黃文慧雖然多演「綠葉」角色，但性格樂天的她未有不開心，並謂：「其實有份參與演出，任何角色我都會好滿意。」
黃文慧演出過不少經典角色，當中在電影《嚦咕嚦咕新年財》飾演劉德華與古天樂媽媽一角，角色是患有阿茲海默症，她的演技令人印象深刻。黃文慧透露當年拍攝該電影的趣事：「有一個鏡頭，我要由3番開始數、講對白，3番幾多錢、4番幾多錢，拍呢個鏡頭等到天光先拍，當時個人好疲勞、又緊張，完全記唔到對白，Take咗成50次都唔得，劉德華都好錫我，佢揸住張紙喺鏡頭後面提我，不過我都係讀唔掂。死咁點收科呢，最後導演好嘢，佢Close up淨係拍我個口，我可以揸住張紙嚟讀。」
來源 source: http://hd.stheadline.com
|
鍾意就快D Share啦！
|
|
|
