香港正式進入炎熱模式，自錄得有紀錄以來最熱5月之後，大家都十分注意避暑。喺屋企嘆冷氣就係一個非常受歡迎嘅避暑方法啦～不過，林超英就堅持唔開冷氣，仲向大家分享「無冷氣降溫」四式，我哋一齊睇睇
撰文：Andy｜圖片：林超英Facebook、環保觸覺YouTube、香港天文台 截圖｜編輯：海月
最熱五月林超英仍堅持唔開冷氣 分享四招唔開冷氣消暑方法
香港夏天炎熱，一出街感覺就來俾太陽伯伯曬到融。對好多人來講無冷氣嘅時間，每一秒都係煎熬。著名環保人士暨天文台前台長——林超英，咁多年都堅持唔開冷氣對抗酷暑。
天文台23日下午2時半於尖沙咀錄得36.1°C高溫，全港溫度最高嘅大美督更錄37.1°C！對此，林超英喺Facebook出post指，上次紀錄是1963年5月錄得的35.5°C，新舊紀錄間相距0.6°C。佢進一步解釋道「破紀錄」通常會係0.1或0.2°C的小差別，因此今次可以講係「破紀錄地破紀錄」。
網民關心林超英是否仍不開冷氣
有網民「關心」林超英咁熱天時是否仲可以堅持到唔開冷氣？佢就直言：「大家不用猜，我不開冷氣，睡眠時以15cm直徑USB風扇製造涼風，吹向頭和肩膊，在溫柔的氣流中入睡。」對此，網民盛讚佢係「佛系降溫」。
來源 source: http://www.nmplus.hk
|
鍾意就快D Share啦！
|
|
|
