郭富城同方媛去馬場為愛駒出賽打氣。
天王郭富城（城城）今晚（26日）同太太方媛去馬場，為愛駒「舞士精神」出賽打氣，結果愛駒亦順利跑第1，真係可喜可賀！城城同方媛戴上情侶口罩，十指緊扣行落去拉頭馬，大放閃光彈，Sweet爆全場！佢話好開心有得拉頭馬，並對愛駒之前受過傷感到心痛，佢覺得無論係人受傷，抑或馬匹受傷，都會感到唔開心，如今愛駒克服傷患，全力拚盡，實在好值得尊敬。
佢又表示呢次入馬場都係支持性質，所以冇投注，佢話最緊要愛駒跑得好就足夠，之後佢要飛去外地工作，呢次係趁有空先入馬場，佢亦想入馬房探愛駒，但都要完成工作先，遲啲希望可帶埋囡囡入馬房探愛駒。
來源 source: http://hk.on.cc
|
鍾意就快D Share啦！
|
|
|
