疫情長留英國發現另一個自己 莫文蔚開完最後演唱會好好享受人生
莫文蔚（Karen）的《絕色》世界巡迴演唱會最後一站定於香港，順延後終於在下月11至12日舉行，是她相隔16年再開紅館騷。Karen日前作客《StarTalk》，表示是最後一次做大型演唱會：「今次係最後一次，我一啟動巡唱已經有呢個諗法。好快下咗決定，唔會再猶豫，因為我覺得做每樣嘢都應該有始有終，俐落啲！更何況我做咗呢類型嘅巡唱十幾年，已經好圓滿！」過去Karen出國語碟比廣東碟多，她坦言：「以往唔太執着用咩語言去唱，隔咗咁多年，反而愈嚟愈鐘意唱廣東歌。」
Karen又指演唱會後要改變生活節奏，將時間留給家人和老公：「疫情令我180度改變，發現原來有另外一個莫文蔚住喺裡面。以前要Keep住好忙先安樂，自從上年返咗英國過二人世界，開始知道乜嘢叫做享受生活，會煮吓嘢食、打理屋企同種吓花。最開心同最莫名其妙嘅係重拾返彈琴！」
來源 source: http://hd.stheadline.com
|
鍾意就快D Share啦！
|
|
|
