【等緊找數】《ERROR自肥企画》主題曲爆紅 肥仔揚言夠三萬Like即唱
前晚首播的ViuTV節目《ERROR自肥企画》的主題曲《無制限OT編集団の行動綱領》改編自動畫《新世紀福音戰士EVA》歌曲《殘酷的天使》，主題曲由《自肥企画》導演Mike主唱，唔啱音加貼地歌詞令網友笑爆嘴，觀看次數超過25萬，打入YouTube香港熱門影片之外，網友更指要推Mike上音樂節目《Chill Club》表演！
ERROR隊長肥仔（梁業）昨日就在社交網站寫道：「ERROR今次做節目唔係為咗自肥，係為咗有更多好既（嘅）作品流芳百世，希望更多人留意到ERROR。多謝無制限OT編集団，有你哋有我哋，今個post過2萬like我會唱一次主題曲比大家聽！」帖子火速已吸夠二萬Like，網友紛紛催促肥仔找數，他昨日即在限時動態縮沙指「我可摸耳改3萬Like先唱」！現時帖子發佈超過24小時，Like數已接近3萬，睇嚟肥仔可以準備定錄音嘞！
而在昨晚播出的第二集中， 節目組炮製「友情試煉」環節，成員要分別請朋友助陣，齊齊蒙頭化身「任何人」，每位成員要乘單車繞場一周，觀察誰是隊友！落敗的193（郭嘉駿）需要接受大懲罰，被「死亡恆星」射下體，繼續冇底線！勝出的保錡獲得價值3000元的公路單車，他在限時動態多謝當日來撐場玩遊戲的朋友。
來源 source: http://hd.stheadline.com
|
鍾意就快D Share啦！
|
|
|
