導演爾冬陞近日於內蒙古開拍新戲，搵嚟人氣小鮮肉、內地時代少年團成員丁程鑫同演員王鏘擔任做雙男主角，想帶挈新演員闖影壇，點知早幾日佢就喪鬧有經理人公司不顧合約精神，喺拍攝期間私自接走藝人，令佢嬲到血壓飆升！網友「緝兇」數日，終於再有新進展，爾冬陞未有開名，指13歲小演員被大人「操縱」，言語間透露日前佢鬧嘅演員身份。
爾冬陞發文：「13歲的小演員能有甚麼話語權？全是後面的大人在操縱！星爸星媽們，找間負責任的經理人公司，否則小孩子的前途可能毀於一旦…」惜才嘅佢明顯唔係針對演員，而係對經理人公司感不滿。
憑電影官方嘅演員名單中，就有13歲童星艾米，而艾米背後嘅經理人公司有指本身口碑亦麻麻。雖然艾米年紀尚輕，但已經出道7年，早於2014年就憑藉懸疑片《童圖》嶄露頭角，後來在各熱播劇中露面。
來源 source: http://hk.on.cc
|
鍾意就快D Share啦！
|
|
|
