明日（20日）就是父親節，姜濤坦言：「以前我好少同阿爸阿媽講愛你，但會用行動表達，我覺得講呢啲有少少肉麻。」
但之前經歷過爸爸中風，他終於有突破，今年會跟爸爸講：「爸爸媽媽，其實我好錫你哋，好愛你哋！」相信姜爸姜媽冧到暈。
- 明日（20日）就是父親節，姜濤坦言以前好少同阿爸阿媽講愛你，但如今已改變了。
這個父親節，是姜濤爸爸中風康復後首個父親節，對他們兩父子別具意義。現在姜爸已經行動自如，日前他單獨出外，雖然拿著一支行山杖，但只是用來傍身，沒用它來借力。他還獨自去購物，心情輕鬆愉快，滿載而歸。
之前MIRROR開騷，他特別去捧兒子場，姜濤指爸爸是第一次看他表演。
「Daddy係第一次睇我騷，因為以前佢唔喜歡露面，但今次演唱會好重要，所以佢都想嚟。」只要爸爸健健康康，姜濤就放心了。
其實他自小跟爸爸的感情不算很好，因為有段時間爸爸在大陸工作，所以他小時候親媽媽多些，「佢哋嘈交嗰陣，細個會幫阿媽鬧埋阿爸一份。」
- 之前MIRROR開騷，姜爸特別去捧兒子場，姜濤指爸爸是第一次看他表演。
- 姜爸已經行動自如，日前他單獨出外，雖然拿著一支行山杖，但只是用來傍身。
- 姜濤自小跟爸爸的感情不算很好，因為有段時間爸爸在大陸工作，所以他小時候親媽媽多些。
他大爆以前父母經常爭吵，有時更會動手有碰撞。
「佢哋都嗌唔少交，過去我會阻止，但我發覺愈阻止，佢哋就愈嘈得勁。細個嗰時，佢哋會郁手，咁我會好驚，但會拉開佢哋。」
他笑稱現在父母也會想動手，但姜濤悟出一個真理，「我發現愈理佢哋，佢哋反而愈嘈得勁。依家我唔阻止佢哋，佢哋就唔會郁手，只會鬥嘴去攞尾彩，兩個人隔勁遠去嘈交。」
小時候，他常做和事老，天天開解父母。
「依家唔開解啦，佢哋反而自己和好，可能年紀大咗，大家都嘈唔郁，冇咁多體力，有時都係嘈一陣就冇事，所以我畀佢哋自己處理係最好。」
話雖如此，但其實父母感情好好，亦都好痛愛他，放手讓他去追夢。現他最希望有能力安頓雙親，賺多些錢，讓他們生活再好點。
「入行後少咗時間陪伴父母，但佢哋好體諒，更叫我趁年輕要去衝，所以我更加唔敢行差踏錯。」他說。
現在他將收入全交媽咪，他曾解釋：「我都係兌現細個向佢哋許下嘅承諾，當時我叫佢哋唔好睇小我，我大個一定會賺好多錢，畀晒佢哋。香港冇乜父母，會容許個仔唔讀書去做artist，我讀書唔成，佢哋反而鼓勵我去搵自己想做嘅嘢，仲使過好多錢，陪我搭飛機去第二度，同一間好細嘅公司傾contract，畀我做我鍾意嘅嘢，咁我將最好嘅嘢畀晒佢哋都係應該。」
他說不想父母擔心，一向對父母喜不報憂。
「我喺佢哋面前好少講好真心嘅說話，好少畀脆弱嘅一面佢哋知道，喺佢哋面前永遠都話ok呀！今年搵到錢！啲歌順利呀！好少同佢哋我唔得，喺呢行有好多擔憂，嗰啲會同花姐講。」
雖然對父母不算嘴甜，但他卻是孝順仔，會用行動去表達。
「我會成日話帶佢哋出去食嘢，呢個就係我對佢哋好嘅方法。我叫佢哋唔好擔心，唔使擔心錢，乜都唔好擔心。佢哋喺我身邊嘅時候，我乜嘢都畀晒佢哋。」
姜濤媽媽年輕時頗靚女，他有優良遺傳，他指媽咪四十歲時才誕下他，令到身體好差，而爸爸因為在大陸工作，以前經常不在香港，後期才回港任職上海菜廚師。
「爸爸成日唔喺香港，屋企唔會有好多時間，有齊佢哋喺度。我就做埋爸爸嗰份，幫媽媽解決一啲事，好似換燈膽咁，都係男仔做好啲。」真是自小到大都乖仔！
姜濤謙稱自己不是廚藝高手，平日沒有為父母下廚，他唯一拿手的是牛扒，所以有時會煎牛扒孝敬他們。這個父親節，不知他可會奉上愛心牛扒呢？ ![姜濤不想父母擔心，一向對父母喜不報憂。]()
- 姜濤不想父母擔心，一向對父母喜不報憂。
----------------------------
守住香港新聞自由 加入「和你撐壹週刊計劃」
按此了解更多
（海外用戶請按此）
- 姜濤不想父母擔心，一向對父母喜不報憂。
來源 source: http://nextplus.nextmedia.com
|
鍾意就快D Share啦！
|
|
|
