杜之克9月離職 陳展鵬望不受影響順利開續集
藝人陳展鵬、林夏薇昨日宣傳劇集《逆天奇案》，席間公布喜訊，第21集於7天跨平台總收視高達28點，成今年兩線劇集單集收視冠軍。而昨日傍晚，無綫向員工發放行政辦公室副總經理（戲劇製作及節目）杜之克於9月2日正式離職的消息，展鵬與夏薇被問到此事時，坦言未收到通知，不便發表意見，問會否擔心高層調動影響開續集？展鵬說：「當然希望順利開續集，呢套係自己咁多年嚟第一套合拍劇，劇集喺內地亦都好受歡迎。」夏薇指會否開續集，要看公司安排，演員最重要做好本分。
前晚劇情講到展鵬酒後糊塗「上錯床」與馮盈盈發生關係，劇情出街後亦引起回響，他說：「呢場戲同監製都商量咗個幾月，如果有個女人瞓喺隔籬，有乜理由唔知，酒醉都有三分醒，最後都係覺得情理之內、意料之外。（太太單文柔睇到有咩反應？）太太嫌少，覺得呢場戲好吊癮。」他又指希望大結局收視過30點。
來源 source: http://orientaldaily.on.cc
|
鍾意就快D Share啦！
|
|
|
