ERROR替《保鑣救殺手2》宣傳片配音 保錡自誇技巧前無古人隊友唔認同
2017年上映的《保鑣救殺手》（The Hitman's Bodyguard），憑動作連場兼對白抵死搞笑，全球大收逾1.76億美元（約13億港元）票房！暫別4年，原班人馬回歸拍攝續集《保鑣救殺手2》（The Hitman's Wife's Bodyguard）！
除繼續由導演柏德烈侯治（Patrick Hughes）執導，仲包括保鑣《死侍》（Deadpool）賴恩尼諾斯（Ryan Reynolds）、殺手《復仇者聯盟》系列森姆積遜（Samuel L. Jackson），還有上集搶盡鏡頭的殺手老婆莎瑪希恩（Salma Hayek）！還找來《蝙蝠俠》系列金像得主摩根費曼（Morgan Freeman）扮演未公開的神秘角色及康城影帝安東尼奧班達拉斯 （Antonio Banderas）飾演反派。
故事講述地上最危險的保鑣米高拜斯（賴恩尼諾斯 飾）與爛口殺手達利基奇（森姆積遜 飾）去到歐洲面對更惡啃任務！處於「休假期」的拜斯撞正達利的「欺詐女皇系」辣妻索妮亞（莎瑪希恩 飾），更被迫再做達利的保鑣兼要同惡勢力狂人巴巴多普羅斯（安東尼奧班達拉斯 飾）打對頭，上演連場搞笑刺激的對決！
近期極受歡迎的男團ERROR首次「進軍」荷里活，因為四人替《保鑣救殺手2》的宣傳片配音，對於今次的特別企劃，保錡自誇前無古人後無來者：「就算專業嘅配音員，都冇配到我哋呢個成就，因為專業配音員絕對唔會咁配，實在太勁！」向來敢言的193就有點保留：「我唔夠膽好似保錡咁講，呢個只係代表佢嘅立場！」肥仔即戴頭盔：「有咩網絡言論就攻擊保錡，記住係佢一個人講！」但一早萬箭穿心的保錡無你咁好氣，仲要補多槍：「再講一次，都係前無古人、後無來者！認真得嚟又好似咁廢嘅話，得我一個做到！」ViuTV一哥阿Dee最後總結：「呢個配音好feel！」
ERROR透露自己是《保鑣救殺手》的忠粉，保錡與193異口同聲：「超鍾意睇呀！」問到首次「進軍」荷里活的感想，保錡又發表偉論：「我希望佢哋（戲中三位主角）同Marvel講，遲啲有個超人（角色）記得搵我做，佢哋好鍾意喺香港取景，幫我整個蜘蛛俠吖！」肥仔忍不住插嘴：「Marvel冇超人㗎喎，你可以做曱甴俠！」193更啜核提議：「叫保錡做沙律俠，淨係食沙律，係咁食，一食沙律就有力！」肥仔與阿Dee頓時大笑，無力招架的保錡唯有承認：「係呀，素食主義！」
|
鍾意就快D Share啦！
|
|
|
