一代笑匠周星馳近年一直神隱，更鮮有幕前演出，不過原來佢已默默同內地影視平台傾好合作，更會「出山」擔任網絡電影監製。影視平台近日公布未來網絡電影項目，席間宣布將與星輝公司合作製作網絡電影，周星馳將擔任其中部分作品的監製。
活動當日，周星馳亦借視頻「現身」，佢直言會同平台有深度合作，希望喺網絡電影呢個新領域上為大家帶嚟更多好作品。只見片中嘅佢，比之前更加滄桑，現年58歲嘅佢，睇落更老，有網民更笑指佢個樣，十足十電影《百變星君》嘅「楊婆婆」造型，更有網民指他的樣子似70歲。
另外，曾經被周星馳睇中的內地女星李卉，本來在電影《少林足球》做主角，不過因為一條蕉皮，拍踩蕉皮仆低戲NG達60次，演藝生涯亦隨之仆直。本來離開娛樂圈多年的她，突然宣布回歸，其經理人公司宣布李卉加盟時在宣傳稿上更稱：「星爺隱退了，達叔（吳孟達）也走了，但是李卉回來了！周星馳欠她一個女主角！」而李卉則稱：「雖然很早離開娛樂圈，但因為非常熱愛表演這件事，所以其實在內心始終還是有這份熱情，這麼多年來陸續都有電影公司或經紀公司找到我，給我承諾保障邀請我復出，但可能是星爺對我的影響太深遠，他的高度始終給我一個標準在哪裏！」擺明抽周星馳水！
來源 source: http://hk.on.cc
|
鍾意就快D Share啦！
|
|
|
