歌手吳業坤今晚（8日）在將軍澳電視城為節目《勁歌金曲》擔任嘉賓，他與歌手曾比特（Mike）合唱偶像陳奕迅的歌曲《Shall We Talk》，大家也趁機交流音樂，今次更是他首次與環球歌手在電視上合作演出。
節目《聲夢傳奇》的14歲參賽者姚焯菲（Chantel）最近獻唱《戀愛預告》，清澀又甜美的演繹為她俘虜不少粉絲，吳業坤亦成為她的「鐵粉」，他受訪時笑說：「我諗全港30歲以上嘅男士，都會搵到初戀嘅感覺，我同幾個朋友講不如搞個歌迷會。（你想做會長？）咁又唔使，其實第1集我已經覺得佢好正，到唱《戀愛預告》更唱出少女味道，對佢冇非分之想，只係好欣賞佢。」
講到《聲夢傳奇》的導師王灝兒（JW）笑言請吳業坤放過這位小妹妹，他說：「我對Chantel絕對冇非分之想，我哋相差成17年，純粹以Uncle嘅角度去欣賞對方，佢對我嚟講只係一張白紙，只能遠觀，佢好我就好，如果有個女咁sweet就好。」他又自爆在公司碰見過對方，但當時因怕醜未有打招呼，笑言很耐沒有這種追星的感覺。
來源 source: http://hk.on.cc
|
鍾意就快D Share啦！
|
|
|
