願安息。
樂壇「校長」譚詠麟83年為林嶺東執導第一部電影《陰陽錯》演出，其他演員有倪淑君、葉童、董驃，票房高達1,400萬，而阿倫為該片獻唱的主題曲《幻影》更是唱到街知巷，成為校長的經典金曲之一。
除了《陰》片，阿倫亦同林導合作過另一部電影《君子好逑》，阿倫說：「佢突然咁樣...真係好突然，真係好震驚，覺得好可惜，阿東畀我感覺，係佢要求啲嘢比其他導演係唔同，因為佢個人性格火爆啲，要求嘅嘢比較另類、有啲特別，就算一個好普通嘅鏡頭，佢可能會逼吓逼吓，逼咗你另外一層嘢出嚟，先符合佢要求，佢係幾有要求嘅導演，我同佢合作過呢幾套戲，覺得佢唔係簡單嘅導演，係好有自己風格嘅導演，我亦都聽到佢其實係籌備緊套戲，喺對上次一個飯敍，我哋成班人老麥（麥嘉）、石天、黃百鳴、張艾嘉，施南生等，飯局我哋成日有聚吓，佢哋比較多啲，上次見到佢都冇嘢，仲好精神，係好可惜，係我哋電影界一個損失。」
來源 source: http://hk.on.cc
|
鍾意就快D Share啦！
|
|
|
