社運下拍《濁水漂流》有難度 李駿碩笑柯煒林太投入令人感壓力
導演李駿碩（Jun）繼18年首次編、導演電影《翠絲》後，最近再有新作《濁水漂流》同樣以社會議題作主調，而露宿者問題早在他學生年代已接觸，但他強調只想拍個維權故事。Jun在試鏡下選了柯煒林（Will）飾演年青露宿者「木仔」，而電影在社運期間拍有一定難度，但Will因太愛該電影及角色產生的超強投入度，連Jun都笑他令製片有壓力。撰文：杜淑霞 攝影：譚壹致 髮型：Oscar[email protected]ALCHEMY hair(Will) 化妝：Kineks[email protected]Chan Makeup(Will) 服裝：Homme Plisse Issey Miyake(Will) 場地：Campfire Collaborative Space(Will)
讀大學時Jun做學生記者已接觸露宿者問題，這個議題一直印在他腦海，更決定寫劇本拍成電影，「我唔係要拍一個好優秀，好令人喊嘅故仔，係想拍一個好憤怒嘅故仔，佢明確係一個維權嘅故仔，唔係要睇佢哋幾慘嘅故事，係睇一班人去處理一個追討嘅事情，而呢啲唔係淨係露宿者經歷嘅事情。」
冇對白更大發揮
由於電影主景在深水埗街頭拍攝，而當時正值19年社會運動，令整個製作有一定難度。Jun說：「拍時好困難，我哋唔知道下一刻發生咩事，有好多時候副導演同我講（衝突）已經喺兩條街之後，我哋呢度好快會拍唔到，我哋要快啲拍，好多時候我哋現場一、兩take就過咗，好大壓力，但呢套戲好多日其實都係早拍完嘅。」雖然早了收工，但超投入的Will竟然主動提議加戲，連導演都笑指他令製片有壓力，Will說：「我哋機動性好夠，crew又比較容易溝通到，所以呢一下劇情需要偷隻鞋畀鎮宇哥，咁啱經過有間鞋舖，我就同製片行咗去一齊問，導演話好就拍。」
Will連製片都撈埋，只因太愛這電影和角色，戲中他飾演的露宿者「木仔」差不多冇對白，「佢畀咗好多想像空間我去思考，唔用對白之下去表達到個情緒，畀咗好多自由空間我去摸索，因為『木仔』同其他露宿者唔同，佢唔係只係得（做露宿者）呢個選擇，佢有其他選擇，但係佢選擇做呢件事，可能佢背後有好多唔同嘅因由，我可以加落去，我問導演咁樣行係咪啱，好快捉到個情緒，所有嘢好舒服就拍完。我鍾意睇書，個劇本有個文學性感覺，好啱自己口味，加上佢摸索同埋玩嘅空間好大，令我更加喜歡『木仔』呢個角色。」
|
鍾意就快D Share啦！
|
|
|
