藝人鄭丹瑞（阿旦）、張秀文、敖嘉年、蔣家旻、林德信、王灝兒（JW）等出席無綫劇集《欺詐劇團》宣傳，為配合劇情舉行小型頒獎禮，並由阿旦任頒獎嘉賓，不過他站在台上即「投訴」，指劇中全數演員均有咀戲，連杜燕歌亦與張秀文有親吻戲，唯獨他未被安排，結果於圍讀時忍不住嬲到拂袖而去。
劇中與杜燕歌大玩忘年戀的秀文，笑指平時甚少拍Kiss戲份：「咁就畀咗杜燕歌喇！拍之前佢仲同我單眼添！」嘉年即爆料指拍攝當日，杜燕歌太太韓馬利也想現身監場。除了咀杜燕歌，秀文還有與蔣家旻有咀戲，問到親吻男士還是女士感覺較好？秀文表示：「各有各好，唔同味道嘅，錫女仔就特別啲，蔣家旻都好錫，個嘴性感啲，錫嗰時感覺好潤。（專登多NG？）又唔使，我驚佢迷戀我，其實當日拍AV封面場口，大家都玉帛相見，咩都睇晒。」
而飾演導演的嘉年，則透露曾因過分投入角色，試過Cut機後也忍不住攬劇本喊：「諗番起以前讀電影嘅辛酸，所以感同身受。」
來源 source: http://hk.on.cc
|
鍾意就快D Share啦！
|
|
|
