講完荃灣同屯門，《玄途有樓住》今集帶大家殺入屯門，莫迪天師傅同主播曉柔繼續深入不毛，捐窿捐罅為摷風水樓。想喺屯門上車？睇咗師傅介紹包有着數；對屯門樓冇興趣？喂連「長腳蟹」呂慧儀都Like喎，呢區堅有得諗呀。
今年38歲嘅呂慧儀，喺《愛．回家之開心速遞》入面擔正事業順風順水，原來出身於中產家庭、娘家喺屯門嘅佢，因為呂爸爸專炒屯門樓經常有斬獲，所以成日同父母聯名入市，勁Like屯門樓，有報道曾指呂氏一家曾擁有近十個屯門單位。呂慧儀住喺黃金海岸，到19年年尾喺掃管笏路以近千萬入手1個3房單位，到最近又使超過200萬買埋車位，簡直係屯門貨王。
無論係「長腳蟹」，定抑或想喺屯門買樓嘅朋友，今集都係必睇嘅。師傅話要搵風水樓，記得要殺入屯門碼頭；而「長腳蟹」嘅黃金海岸，究竟風水好唔好？屯門未來地運會點走向？唔好諗喇，即刻睇片啦。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
