李克勤破格嘗試洗腦曲風 《秒針》錄得逾億播放次數
李克勤早前加盟新一季《中國好聲音2021》擔任導師，他憑着幽默風趣的魅力及赤誠態度，除贏得眾學員愛戴外，亦深受觀眾及網民歡迎。近日克勤跟以抖音名曲《大風吹》爆紅的內地新潮音樂人王赫野合作，推出充滿八、九十年代香港曲風的廣東作品《秒針》，大玩復古情懷。克勤坦言今次的嘗試是要突破自己：「想嘗試新嘅嘢，亦都想嘗試唔同嘅製作班底，唔同嘅合作伙伴。唔係一定要一貫用開嘅製作班底、曲式或者做法先至得。」克勤向來對自己歌曲參與度甚高，今次卻沒有出過任何意見，他配合對方，因為想做一次比較貼地的做法：「所以要先放低個香港歌手做國語歌嘅包袱，而去做一首這類型嘅歌。」《秒針》旨在打破聽眾對於常規廣東歌曲的印象，帶來耳目一新的感覺。
跟王赫野的合作，克勤笑說是「天方夜譚」：「同王赫野係第一次合作，我諗我哋喺年齡同資歷方面，差唔多係最遙遠嘅合作。因為我入咗行三十幾年，佢只係三個幾月，哈哈！係一個完全天方夜譚式嘅合作。但我覺得既然大家碰到係一個緣份，就唔好諗咁多。」
歌曲上架只有數日，已在播放平台超過一億次的播放次數，克勤直言找對了曲風：「證明呢一類有少少洗腦式嘅曲風，喺一啲手提電話短視頻裏面係好啱數去用，呢個亦都係我哋有呢一個合作嘅主要原因。音樂係應該有無限可能，本住呢個精神去做，乜都試吓。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
