台灣女星安以軒婚後為老公誕下一仔一女，依家做少奶奶嘅佢就慣咗事無大小都要搞P慶祝，今次就嚟到佢41歲生日，未知係咪疫情影響，見佢僅同家人喺家中過，但仍然有晒大氣球、燈飾、靚花等布置，同出去大搞都冇乜分別。今次生日會雖然「低調」，但係安以軒就向台媒大爆係咁收老公厚禮，6月二人結婚4周年時對方先送咗個名牌美洲豹鑽戒，索價都要180萬元新台幣（約50萬元港幣），搞到佢生日都唔好意思再收，反而佢就同老公講份禮就當同生日一齊過。
佢續向台媒爆料，指二人結婚3周年時就收同一牌子嘅324萬元新台幣（約90萬元港幣）嘅18K白金美洲豹鑽鏈，2周年送395萬元新台幣（約110萬元港幣）美洲豹限量鑽錶，結婚1周年時夫妻倆就去咗土耳其浪漫愛之旅，今年情人節夫妻互贈索價66萬5千元新台幣（約18.5萬元港幣）美洲豹鑽石胸針，及56萬5千元新台幣（約15.7萬元港幣）美洲豹18K金頸鏈，佢仲笑言成就嚟間舖都畀老公買晒。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
