瑪姬激讚嘉賓敖嘉年 唱得又識執生仲會畀意見
瑪姬自發的慈善音樂企劃來到第三回，《瑪姬 x 敖嘉年 Max Your Love 慈善音樂會》日前圓滿結束，DJ出身的瑪姬與敖嘉年曾前後腳効力新城電台，她透露原來與嘉年一直只是互相隔空留言卻素未謀面，今次好開心得到靚仔又靚聲的「前輩」一口答應出任嘉賓，當晚所籌得的善款不扣除任何成本，全數撥捐受惠機構「安徒生會」，以協助基層兒童透過童話故事發展正向人生。
瑪姬表示有口才了得、字正腔圓的敖嘉年作嘉賓實在減輕她不少負擔，全晚的流程亦變得更順暢輕鬆：「因為音樂會係自己主辦，要一邊唱歌、一邊主持，令全晚無dead air，個腦要記住個rundown，又要一眼關七台前幕後。今次有嘉年喺度，佢完全自動波，仲幫我補位呼籲觀眾踴躍捐款，非常專業，希望好快有機會再同佢合作。」
而當晚其中一個亮點就是在合唱壓軸歌曲前，瑪姬為敖嘉年送上生日蛋糕，補祝其9月26號生日。嘉年表示相當驚喜：「同事拎個蛋糕出嚟嗰陣，我仲以為係慶祝瑪姬生日。」瑪姬指與嘉年同為天秤座，怪不得性格上都比較相近，兩者對自己的要求都很高：「傾開偈發現，我哋都係每唱完一首歌、演完一幕戲，主持完一個活動之後，都會好認真檢討，總係會覺得自己有做得未夠好嘅地方。」她更感謝嘉年完騷後whatsapp她給予寶貴有用的意見，鼓勵她在之後的音樂會追求進步：「喺呢個社會，對住你講讚美說話嘅人好多，但係真心坦誠講有建設性意見嘅人真係好難得，所以好多謝嘉年呢位前輩。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
