彭慧中着泳衣表演瑜伽派福利 鄭融跟奶仔分享娛圈處世Tips
TVB節目《流行都市》女主持彭慧中向來好受宅男觀眾歡迎，她將會喺今晚（13日）10點半，J2台播出嘅《野外步出2》中着泳裝亮相派福利，節目中她隨大隊去咗景色優美嘅西貢吊鐘島，更着住泳裝表演瑜伽讓各位兄弟可以開心吓！主持人奶仔(方紹聰)表示，好多男觀眾每日中午就坐定定喺電視機前，話要開電視捧她場，特別係留意她誘人嘅坐姿，更大讚彭慧中樣靚身材好，同時不值她僅只主持《流行都市》一個節目似乎有啲嘥，對她欠公平，因此，奶仔就應大家要求，安排彭慧中着泳裝現身，性感少少演出。
彭慧中樣靚身材正。彭慧中同奶仔去咗西貢吊鐘洲拍外景。彭慧中吸引一班男粉絲。彭慧中只主持《流行都市》。
彭慧中喺直立板上倒立有啲難度。彭慧中喺節目中大顯身手。
另外，鄭融(Stephanie)係周二晚節目嘉賓，奶仔中學時期已經聽佢唱《紅綠燈》、《紅花會》，奶仔請到大學時期偶像參與節目，一齊去漆黑山洞探險，由於地勢險要，過程驚險，Stephanie顯得有啲緊張。節目中鄭融分享入行多年來嘅煩惱，尤其去到一啲人生高、低位如何去處理，原來宗教對她有幫助，啟發到奶仔懂得應付將來喺娛樂圈面對嘅高高低低嘅狀況。鄭融同奶仔深入山洞探險。鄭融顯得有啲緊張。但玩得好投入。
奶仔喺節目中介紹香港美景。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
