黃建東化身速遞員後樓梯食飯 外傭姐姐腔拍二創片抽水
黃建東2011年參加香港先生時，曾獲得演藝潛能大獎，就知佢份人夠諗頭有演技又搞笑，2016年二次創作《PPAP》、2019年再惡搞陳偉霆個講英文嘅手錶廣告都曾引起話題。近日全城熱話包括一名速遞員坐於行人通道旁，以手推車用作飯檯並除下口罩食飯，被投訴速遞員影響衛生，以及一名外傭姐姐兼YouTuber寸嘴拍片叫僱主關心家中外傭，黃建東都有關注以上熱話，今日於其YouTuber頻道上載新的二創片。
黃建東好有創意，雖然他拍二創片不算高產，但大多都可引起話題。
早前有網民投訴速遞員喺街邊食飯，引起其他網民討論。
呢位工人姐姐兼YouTuber拍片道出打工仔心聲。
黃建東的新影片以《如果速遞員化身外傭姐姐》為題，一開頭扮被偷拍在後樓梯食飯，之後對住鏡頭以外傭姐姐腔訴速遞員心聲，「你有錢大晒呀？你投訴我？你咁叻咪自己請個速遞員囉！請到咩？你試吓！我行到攰呀！日日十幾個鐘，就係送嘢畀你哋，我只不過搵幾多錢呀，幾多Money，我咪就係廿幾蚊一張單囉！好多咩？廿幾蚊好多咩？」又話行到攰見餓買外賣，打算坐後樓梯開餐唔會阻到人，估唔到咁都畀人投訴。仲話速遞員都係人，唔係機械人，叫人咁叻自己去搬貨
黃建東話睇完外傭姐姐條片令他好有Feel。
黃建東化身速遞員後樓梯食飯扮被偷拍。
講嘢仲扮埋外傭姐姐腔。
黃建東借二創片講出好多服務性行業員工的心聲，尤其最近疫情令速遞員真係好辛苦，應該多多體諒他們，加埋模仿早前外傭姐姐條片嘅說話道出打工仔心聲，網民都大讚黃建東條片好笑又跟得上熱話。
黃建東5年前二次創作《PPAP》的影片有好高點擊率。
仲試過惡搞陳偉霆個手錶廣告講英文。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
