「男人唔壞，女人唔愛」呢句說話，相信唔少人聽過，壞男人喺某程度上確實有佢嘅吸引力，但如果要成家立室嘅話，試問邊個女仔想揀壞男人做老公先！喺星座世界入面，水瓶座經常畀人話難溝通、諗嘢天馬行空，甚至標籤為外星人，但同時亦流傳住「要嫁就嫁水瓶男」呢種講法，唔通只要同水瓶男成功Connect嘅話，就會係幸福嘅開始﹖今集《J星族》塔羅神Jessica或者畀到答案你！
事實上，金像影帝劉青雲作為水瓶座嘅一分子，自從1998年同郭藹明結婚之後，兩個人24年嚟都甜到漏，劉青雲喺2015年憑《竊聽風雲3》奪得香港金像獎最佳男主角，仲喺台上發表「太空船論」多謝老婆，「當我揸住隻太空船飛去宇宙唔知邊度嘅時候，你總有方法令我好安全返嚟地球」，真係聽見都覺得冧。至於公認係娛樂圈好仔嘅馬國明，原來都係「水瓶男」一名，女友湯洛雯上個月幫佢慶祝生日，再喺社交網甫相放閃，有唔少網民叫佢哋快啲拉埋天窗，「靚湯」係時候諗諗佢喇！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
