藝人姜麗文（Lesley）近年憑無綫處境劇《愛．回家之開心速遞》飾演外傭（Lisa）一角彈出，更帶挈佢喺無綫台慶頒獎禮奪得「飛躍進步女藝員」，事業明顯發圍，原來佢更加已經攻入荷里活，佢喺個人社交網上載一張現身保母車嘅單人相，Location係美國洛杉磯，佢留言：「我第一個荷里活角色 🎬🌴🎥✨好開心機會就嚟到我面前。係咪好興奮呢？❤️」忍得一班圈中好友瘋狂留言嗌恭喜！
Lesley唔只手執咖啡同劇本喺手開懷大笑，由心而發咁笑到合唔埋口，佢仲喺限時動態上載多張當地嘅相，其中一張就見到似足藍幕及綠色貼紙等背景，似乎新片會有特技場面，睇嚟今次佢首次出征荷里活，都係一個大製作，未知佢角色同戲份如何呢？
姜麗文接受東網訪問時，講到有機會喺荷里活演出，佢指因為簽咗合約，所以不能透露有關情況，但仍難掩興奮之情：「只係一個小角色，好感恩、好興奮，我會努力去代表亞洲人。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
