由女星Angelababy主演嘅劇集《風起隴西》早喺未播出前，Baby單單憑於預告亮相一秒而引起關注，惟劇集播咗足足4集都未見其身影，而喺央視八套（CCTV8）及網絡平台同時播出的《風》劇雖然陣容強大，集齊陳坤、白宇、聶遠等演技派及流量派令劇集被睇高一線，可惜成績不似預期，收視遭遇「滑鐵盧」，在該頻道不但未能創出新高，更慘輸同時段各地方衞視播出嘅劇集，排名包尾。
不過向來演技被質疑嘅Baby，卻「一個救全家」成為劇集收視福星，事關第7集正式介紹其角色後，一出場即將收視拉高至0.7，而喺2分15秒後其戲份結束後，收視就直線下降跌至0.4，可見唔少觀眾都係為Baby而收看劇集。劇中飾演美女間諜「柳瑩」嘅佢，目前戲份不多，但已獲網民大讚演技自然有進步，期待佢之後嘅表現，相信有望挽回收視。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
