金像獎2022｜梁仲恆準備好紅地氈戰衣 王丹妮︰另一半會入場支持 #金像獎

《第四十屆香港電影金像獎》將於今個星期日舉行，今日（15/7）舉行拜神儀式，董事局主席爾冬陞，副主席錢嘉樂、余安安等人，聯同今年入圍最佳新演員的梁仲恆 ...

《第四十屆香港電影金像獎》將於今個星期日舉行，今日（15/7）舉行拜神儀式，董事局主席爾冬陞，副主席錢嘉樂、余安安等人，聯同今年入圍最佳新演員的梁仲恆《媽媽的神奇小子》、王丹妮《梅艷芳》均有出席。兩位新人將在今屆負責向兩年來，離世的電影人致敬。

今日二人都要到會場綵排，王丹妮力讚梁仲恆聲底好好，有苦練過。而他本人就開心可以參加金像獎，行紅地氈，還可以有表演。「開心可以真真正正用自己的聲底去唱。」而當晚王丹妮的老公羅孝勇都會入場支持太太競逐最佳新人及影后。梁仲恆則邀請爸爸入場觀戰。

至於行紅地氈的戰衣，王丹妮話已準備好，既索又型。梁仲恆就笑言務求令人在紅地氈上唔認得我，個個會問︰「點解有個靚仔走咗入嚟？」

本文作轉載及備份之用 來源 source: http://www.hk01.com

鍾意就快D Share啦！

下一篇 》