獨家丨王嘉慧獲贈添觀眾緣秘技 拍前輩梁思浩主持《通靈之王》
王嘉慧（Cathy）去年參加港姐以大熱姿態，順利打入五強，並獲TVB簽約入行。踏入娛圈不足一年的Cathy，除固定演出《愛•回家之開心速遞》和《東張西望》外，還有幸拍劇跟視帝黎耀祥合作，最近更拍住梁思浩主持真人騷《通靈之王》，跟前輩好好偷師。採訪：杜杜 攝影：林建安髮型：Hair@Festival Walk場地：PHENOMENONWINE·DINE(The ONE)
參選港姐時，Cathy表明志願是「成為有感染力的演員，對社會作出貢獻，發放正能量」，終於正式成為藝人，她坦承感覺好神奇，特別是有機會參與新劇、《法言人》、《四十二章經》及《輕功》等演出，最難得在《輕功》一場戲中戲中，有機會跟前輩黎耀祥演對手戲，「可以近距離觀摩到佢嘅演技，佢好犀利可以一秒入戲，好快入到個情緒，仲可以帶動到我，真係好開心一嚟就可以同啲咁資深嘅前輩合作。」
承認有港姐包袱
拍劇有機會偷師，Cathy主持新節目《通靈之王》更加全程得到前輩梁思浩照顧，令她獲益良多，「佢由第一集開始已經分享佢嘅經驗畀我聽，譬如點樣發聲，以為做就咁講嘢就得，佢會教我哋要諗對住觀眾講，定係對住自己講，兩樣講嘢嘅方法係唔同，點樣令到鏡頭前嘅觀眾feel到淨係同佢講緊嘢，佢教我哋咁樣對增加觀眾緣好有幫助，同埋佢每句台詞都分開唔同嘅情緒同講嘢方式，佢都有好多嘢要記，但每次拍之前都會叫我哋讀一次畀佢聽，幫我哋執吓要點樣講，啲好細微嘅位都照顧到。」
Cathy承認拍攝真人騷要表現真實一面，反而有一定難度，「始終選港姐後，會有個包袱畀自己，要喺鏡頭前面大方得體、好有儀態，會限制咗自己喺鏡頭面前表現，冇咁自然，要慢慢適應，後嚟都好咗啲。」不過她沒有特定目標，「我希望見到每次演出都比上一次更加進步，已經係好開心。」
星島新聞集團慶回歸25周年專題網站，請即瀏覽
立即下載|全新《星島頭條》APPhttps://bit.ly/3yLrgYZ
|
鍾意就快D Share啦！
|
|
|
