夏日熱辣辣丨孫慧雪碎花泳衣配髮髻添少女味 白雲水喉射身消暑降溫
夏天為大地帶來美女，明日（11日）就踏入40歲生日嘅索媽孫慧雪（Snow）同34歲白雲（Snowy）不約而同喺社交網上載泳裝照，佢哋個英文名都同「雪」有關，似乎想請大家眼睛吃冰淇淋，一齊消消暑。
阿雪雖然已是一子之母，但束起髮髻，換上兩件頭碎花泳衣，仍少女感十足。展現甜美笑容嘅阿雪寫住：「係時候同陽光玩遊戲，吸收維D」網民紛紛派心，仲留言：「hot, sexy & gorgeous babe」、「索雪」。
孫慧雪明日（11日）就踏入40歲生日，但個樣仍然好少女。阿雪經常喺社交網派福利。好多靚相。素顏都好省鏡。
而去年被爆離婚的白雲，即大解放喺今年書展推出寫真集，佢透露淘寶一日已賣完，為答謝粉絲支持，就放咗段用水喉沖身嘅花絮片段，着住白色比堅尼，大騷澎湃火辣身材，白雲話：「太愛你們！不用擔心，出版社現正安排新一批書返內地🙏🏻 謝謝大家耐心等候🙏🏻哄哄你們😊這個小花絮送給大家🙏🏻 拍照前真的努力keep fit 到自己滿意😊 我相信當我很喜歡自己時，才能散發光芒讓你們喜歡😊 剛剛好就好！ #天時地利人和🙏🏻 所謂人和，就是愛我的你們 😍」，網民同樣留言大讚：「好性感迷人」。
白雲用水喉沖身。好有動感。失婚白雲大解放，今年推出寫真集。白雲話淘寶一日已賣完。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
