無綫「金句王」方東昇同3位「昇女郎」黃曉瑩、李曉欣、黃靖婷主持嘅兩輯《尋人記》大獲好評，不過喺今年7月嗰陣，播完節目《好睡好起》後，李曉欣亦隨黃靖婷步伐，宣布離巢，2位「昇女郎」都相繼離開，令到網民都大嘆可惜！
李曉欣離巢至今已經逾2個月，雖然未見佢有返新工，仲得閒四出散心，早前佢喺社交網大晒帶狗仔放電嘅片，留言：「最近太好天了，帶Dobby放電盡情跑，見到佢跑到彈吓彈吓就好開心，快樂有時可以好簡單。」佢喺車上倒後鏡中同愛犬自拍，原來佢係揸架白色開篷車載狗仔兜風，認真架勢，好有愛心咁話：「領養代替購買 #領養不棄養 #唐狗也是寶。」而近日佢就大晒去咗意大利威尼斯旅遊嘅相，睇見佢一身文青打扮，頭戴藤織草帽，好寫意咁遊山玩水，真係生活無憂，相當富貴喎！
28歲嘅佢喺澳洲讀完大學之後，於2016年加入無綫並成為無綫新聞台主播，其後轉職記者，過年幾年間同方東昇合作無間，合作拍過《長命百二歲II》、《這麼遠，那麼近》、《尋人記》、《尋人記II》及《好睡好起》等，令人印象深刻嘅節目。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
