掃呢頁CODE去手機

2013年11月22日 星期五

「潮州柑」 當眾搲撈 MW,




插圖: Wendy

揞名爆

「潮州柑」 當眾搲撈

依家呢個世界,娛樂圈女藝人差唔多個個都要拋胸,吸引攝影師注意,先可以有見報機會,增加人氣吸廣告。咁啲男藝人又可以點呢? Well,大家有眼睇,依家興狂操騷肌,但操完都要有人欣賞先得囉!

好似「潮州柑」咁,雖然老婆都搵到個錢,但始終仔細老婆嫩,佢又啱啱先喺電視做到啲成績,所以真係幾心急嚇。而佢心急嘅程度係,出席大型公開活動時,一見到在場嘅廣告客戶、大公司公關,就即刻上前!先嚟一個簡短嘅自我介紹,然後就 chok一個自認最靚仔嘅眼神,再用手指指住自己,情深款款咁問人哋:「 Like唔 like呀?」

嘩,咁主動熱情去 sell自己嘅 artist,真係唔多,通常都係經理人代 sell㗎嘛!所以有啲公關都俾「潮州柑」嚇一嚇,或者忍唔住笑咗出嚟。都係嗰句,搵食艱難呀!

邊個係「潮州柑」?

1.唱歌㗎!

2.仲幾搞笑㖭。



鍾意就快D Share啦!