掃呢頁CODE去手機

2013年11月22日 星期五

威脅鍾嘉欣 王君馨冧掂高層力捧 鍾嘉欣,王君馨,MW,




秘密撐枱腳

11月 7日, Herman獨自約王君馨撐枱腳,其間女方動作多多, Herman亦望實對方冧笑。

娛樂喧

威脅鍾嘉欣 王君馨冧掂高層力捧

朝中有人好辦事,原屬「星煥國際」唱片公司老闆的何哲圖( Herman),得老婆餘詠珊引薦,近日「空降」無綫,成立「星夢娛樂」打骰做 CEO,拉埋旗下歌手過檔硬簽無綫。

何哲圖全權話曬事,除繼續「睇住」心肝椗鍾嘉欣外,下一個將會力捧跳得剝得的「處女」王君馨。日前,記者更發現 Herman秘密約君馨嘆茶。其間記者聽到何哲圖落足嘴頭:「你睇鍾嘉欣幾聽我話,你係我就知條路點行……你唔應該俾宗教規限,你明啦!」而君馨就一味點頭話

「好」,睇嚟嘉欣 BB遇勁敵了!

其他影片

陪煲煙

嘆完茶,王君馨好識做地陪新老闆出走廊煲煙。聽對方偉論外,亦甘願吸二手煙,果然識做人。

王君馨自 07年當選港姐亞軍以來,外界只知道她舞技了得,直至早前的《星夢傳奇》,她開金口後備受讚賞。雖然受腳傷影響表現,早已被 out出局,但無損一眾高層對她另眼相看。上周五( 15日)正式宣布成立的「星夢娛樂」,當然預她一份。

讚王君馨夠主動

Herman在「星煥國際」時,特別偏愛鍾嘉欣,力穀她一年出一碟外,又替她開演唱會,反而對公認唱得的鄭欣宜不聞不問。本刊收到消息, Herman下一個「點燈」的對象,將會是虔誠基督徒,自稱仍是「處女」的王君馨。

知情人透露:「 Herman不嬲鍾意捧靚女,你睇欣宜下場就知。雖然 Herman錫 Linda(鍾嘉欣),不過就嫌佢唔夠主動。依家 Herman睇曬成個『星夢』,捧男仔就話睇定啲先。至於女嘅,佢就覺得 Grace(王君馨)鬼妹仔性格,熱情奔放易話為,所以講明睇好佢。 Grace亦都係醒目女嚟, Herman呢排成日搵佢傾偈,佢都冇 say no!」

胸壓合照

上周四( 14日)「星夢娛樂」開記招正式宣布成立。鄭世豪與王君馨興奮捉實 Herman自拍,其間君馨更慷慨地以 34C身材緊貼老闆。

當眾攬嘉欣

08年已受 Herman力捧的鍾嘉欣在《新城勁爆頒獎禮》獲「女新人王」獎項,事後 Herman攬實嘉欣 BB唔放, BB都冇抗拒。

密會教路

兩周前( 11月 7日),記者發現 Herman相約王君馨在無綫 canteen撐枱腳嘆茶,二人特別揀下午兩點半過曬飯市較少人時間。其間記者在旁聽到 Herman不停發言,素顏的君馨則一直細心聆聽。記者聽到男方好有耐性教君馨要聽話及識聽歌:「……要跟我方向做,你睇鍾嘉欣幾聽我話!我俾親咩歌佢聽,佢都話好聽,佢知個好處喺邊,你明唔明?你係我你會捧邊個歌手?你係我就知條路點行。依家做歌手要識聽歌,人哋做好隻歌俾你,你唔識聽就不如返屋企瞓覺啦!」之後王君馨問 Herman樂壇中哪個歌手最識聽歌?他竟然大數昔日旗下歌手:「講真鄭融唔識聽歌,關心妍識少少, even連彭羚都唔識,但容祖兒同鍾嘉欣就好識,所以人哋咁紅有原因。」王再問:「其實我都聽好多中、英文歌,不過對神嘅歌特別有感覺。」 Herman隨即表示:「你唔應該俾宗教規限。」

感動回應

君馨在記招上被問及獲 Herman「點燈」,即淚如泉湧:「好多謝 Herman俾機會。」

「星夢娛樂」羅致昔日星煥國際一班歌手,及早前在《星夢傳奇》有好表現的無綫藝員。據知在「星夢幫」中,以王君馨最多機會。

貼身照顧

嘉欣 BB缺席記招,王君馨隨即攝位,獲 Herman帶住四圍識音樂人。記者曾問過 Herman力捧王一事,他避重就輕說:「每個有潛質嘅都會捧!」

得 Herman射住,即使王君馨在《星夢》比賽中落敗,但依然能夠拍住冠軍鄭俊弘,在早前的《節目巡禮》做表演嘉賓。周二晚台慶夜( 19日),她更以歌手身份打頭陣演出。據知, Herman日前已列出大堆「捧馨」大計,包括安排她唱無綫劇集主題曲,下年年中更會為對方推出個人專輯,繼而開迷你音樂會。

上周五( 15日),「星夢娛樂」正式宣布成立,席上穿上透視晚裝的王君馨,似足主人家滿場飛,更獲 Herman貼身照顧,介紹與場中各賓客逐一握手。相反其他星夢男丁包括冠軍鄭俊弘,卻全程企埋一邊冇人理。

記者向王君馨求證獲力捧一事,她忽然誇張地爆喊說:「我由 4歲發夢到依家,等咗呢日好耐,多謝 Herman。(知你係最先一個受力捧喎?)唔……我知道公司會安排我唱主題曲同嚟緊好多大型節目都有份參加,但唔講得係咩,等公司宣布。(上次見到 Herman淨係搵你傾偈,覺唔覺佢好睇你?)佢個個都錫,不過可能想了解我多啲。我信任佢,佢係個好有經驗嘅老闆,同佢傾偈好舒服,對住佢好親切。」回應都感動成咁,睇嚟 Herman真係錫到佢燶。

各有千秋

鍾嘉欣與王君馨同是外國長大的半唐番,又是虔誠基督徒,表面上 friend過打 band。不過嘉欣 BB甫出道即被捧做女主角,君馨則仍是二線,角色大多以潑辣差婆為主,而近年她改行性感,才殺出血路!

其他影片


鍾意就快D Share啦!