掃呢頁CODE去手機

2013年11月22日 星期五

一籃子喜事 MW,




媽咪姐

一籃子喜事

臨近蛇年尾,婚嫁特別旺場,港、台兩地喜事接二連三。先講香港,繼張美妮後,英皇藝人鄭希怡( Yumiko)亦於本周五( 22號)與拍拖 8年嘅化妝師男友梁學儲( Andy)喺泰國蘇梅拉埋天窗。台灣兩大型男之一張震於周一( 18號)跟前助手女友莊雯如於台北光點電影院舉行婚禮。而 F4前成員吳建豪也早於上周六( 16號)跟「百億富妻」、前藝人石美貞喺美國洛杉磯舉行「百萬世紀婚宴」。媽咪姐真係要喺呢度向佢哋講句:恭喜!恭喜!

其他影片
Yumiko結婚泰國開 P

本周一( 18號)清晨 7點幾,準新娘 Yumiko同準新郎 Andy現身機場,準備出發到泰國蘇梅。

32歲 Yumiko同 Andy可以講係「患難見真情」。舊年 6月, Yumiko喺泰國參加應采兒生日 party時,不慎跌落 30呎山坡,當場送院搶救,證實頸椎移位,昏迷兩日先甦醒。受傷期間, Andy不離不棄照顧佢,一個月後,更買鑽戒向 Yumiko求婚。一年多後,有情人終成眷屬,兩人定於 22號喺泰國舉行 Pre-wedding party,且大方豪擲百萬為一眾兄弟姊妹及賓客包機票連食宿。

呢日 Yumiko同 Andy喺機場準備出發去泰國蘇梅搞 Pre-wedding party。 Yumiko接受訪問時,笑到漏曬油。

Yumiko將早前喺毛里裘斯影嘅婚紗相放上微博。

一班好友徐濠縈、應采兒等都會飛過去參加婚禮,其中黃伊汶(右三)更係伴娘。

舒淇喊爆賀張震

張震同前任女助理莊雯如喺台北舉行婚禮,出席婚宴嘉賓星光熠熠,除梁朝偉、劉嘉玲夫婦、王家衞及李安外,最受注目嘅,就係同張震傳過一段情嘅舒淇。

新任張太莊雯如唔知有心定無意,向台下賓客敬酒後,竟然將代表幸福嘅花球送俾舒淇,除宣示主權外,亦送上祝福。喺情路上飽受波折嘅舒淇即時喊咗出嚟,場面令人感動。

舒淇大方到賀,接上花球時更感動到喊。

張震同莊雯如日久生情,暗拖 4年,終於修成正果,由助理升呢為張太。

吳建豪新婚 F4 3子冇到

上禮拜六, 35歲嘅吳建豪喺新加坡跟 31歲富二代女友石美貞註冊結婚,之後再到美國洛杉磯五星級酒店 The Resort at Pelican Hill舉行百萬世紀婚宴。

據知出席婚禮嘅圈中人只有蕭亞軒同洪金寶二仔洪天祥,反而以 F4組合一齊出道嘅兄弟言承旭、朱孝天及周渝民完全不在邀請之列。

吳建豪同石美貞經過離合,終於修成正果。

吳建豪嘅「百萬世紀婚宴」竟然冇前組合 F4成員份,講起嚟,有點那個囉!

其他影片


鍾意就快D Share啦!