掃呢頁CODE去手機

2014年1月10日 星期五

[忽然1周 963] 阿田阿澤食粥食到笑 阿田,杜汶澤,阿澤,田蕊妮,MW,




結婚 8年嘅杜生杜太,過馬路拖到實,笑笑口講唔停,羨慕死人。

媽咪姐

阿田阿澤食粥食到笑

人紅是非多,攞咗視後嘅田蕊妮,幫大台賣力就梗㗎啦,點估到會踩到娘家條尾啫,俾人話反骨唔識飲水思源,搞到佢都忍唔住寸爆話:「我返亞視做好無?」俾亞視咬實唔放,好彩阿田都仲有老公杜汶澤錫住。

其他影片

早幾日,兩夫妻就孖實去九龍城「添財記」食粥嘆啡,清嚇腸胃。雖則呢餐百零蚊搞掂,不過有老公喺身邊,阿田全程笑曬,仲好似開籠雀咁講唔停,真係食白粥都似食緊紅豆沙咁 sweet啦!

阿田做咗視後,一樣搭枱食粥,一出門口一輪嘴講嘢,反而阿澤對鏡頭好敏感。學嚇老婆,放鬆啲啦!

阿澤挑機「講呢啲」

上星期阿田出錢為《巨輪》慶功,老公阿澤都嚟咗,佢見到因為一句「講呢啲」而成為網上紅人嘅甘草演員劉江,即刻話:「劉老師,坐啦!講呢啲!」 70歲嘅劉江亦同阿澤癲埋一份,即時親身演繹金句:「坐咪坐囉,講呢啲!」好鬼抵死!

上年年中,有網民將劉江喺《拳王》中嘅畫面,加上一句潮語,結果呢張惡搞截圖好快 hit爆網絡,連劉江喺 TVB頒獎禮上攞獎,司儀都提到「講呢啲」。

其他影片


鍾意就快D Share啦!