插圖： Wendy
揞名爆
「好好先生」勁細膽
依家娛樂圈流行肌男！個個男明星，不論老中青都走去操肌，想有 8粒唔食得嘅「朱古力」。早前，「好好先生」為咗拍好套劇，都操到好 fit，幾鬼 man呀！
不過，唔講唔知，原來近年搞生意搞到有聲有色、拍戲只為過嚇癮嘅「好好先生」原來好怕鬼。嗯……正確啲嚟講，係怕見鬼先啱。據工作人員爆料，呢位入行多年嘅男星每次出埠拍戲都好驚住酒店，勁驚撞鬼！咁大家叫佢不如開燈瞓啦。 Well，「好好先生」當然照跟，而佢仲自創咗一招「避鬼法」，就係……抹臉唔抹眼嘞！
佢話睇鬼片見所有主角都係喺浴室抹完臉睜開眼後，就喺鏡中見鬼，所以覺得只要唔喺浴室瞇埋眼就無事喎。唏，查實「好好先生」人品好又顧家，鬼都唔搞你啦！放心喎。
邊個係「好好先生」？
•讀訓練班入行。
•有仔有女好幸福㗎。
|
鍾意就快D Share啦！
|
|
|
