掃呢頁CODE去手機

2014年1月10日 星期五

[忽然1周 963] Wyman麻煩女人 Wyman,黃偉文,MW,




霸頭位

Wyman係都要爭坐第一行頭位,係威係勢同 Mr坐。點知宣布獲作詞人獎嘅係陳詠謙,佢話就話戥人開心,其實應該酸到喊。

媽咪姐

Wyman麻煩女人

「神嫂」徐濠縈住 2.3億獨立屋好富貴,而佢個 friend、填詞人 Wyman(黃偉文)就麻煩兼小器,曾經試過同 Sammi、千嬅同張敬軒等反面,啱啱仲爆出同阿徐老公 Eason因版權費問題而不和㖭。

不過 Wyman自我感覺依然良好,媽咪姐仲收到風,佢對「叱吒頒獎禮」好有期望,之前喺酒吧夜蒲仲同一班攣攣化妝師助手等,自吹自擂話今年攞硬填詞獎㖭!最攞命係聖誕期間,佢不停 send WhatsApp俾容祖兒、 Eason、楊千嬅同許志安等歌星,話做人要知恩圖報,幕後人一年嘅努力好需要歌手一句「多謝」等等。暗示要人哋上台多謝佢。

Wyman又同商台講,要同死敵林夕平起平坐。事關俞琤錫到燶嘅契仔林夕年年都同俞琤坐第一行, Wyman就話:「冇第一行我唔到!」但其他幕後人都係坐喺歌手後面嗰排。 Wyman要求多多,真係仲麻煩過女人噃!

Joey識做

Joey做完演唱會都趕去「叱吒」攞獎,佢都有份收 Wyman「感恩短訊」,宣布得獎時親吻 Wyman光頭,面面俱圓。

俞琤唔騷

卒之當晚林夕有工作無到,不過俞琤今年就同愛將陳志雲一齊坐,冇騷過 Wyman。

追擊林夕

私下係俞琤契仔嘅林夕,每年都同俞琤及一班商台高層坐第一行。 Wyman為要同宿敵平起平坐,要求同商台高層甘菁菁坐,但最後被安排同歌手坐。



鍾意就快D Share啦!