熱爆娛樂: [忽然1周 963] 阿徐收 Eason 2.3億豪宅　徐媽住居屋逼巴士阿徐,陳奕迅,Eason,徐濠縈,MW,

2014年1月10日星期五

[忽然1周 963] 阿徐收 Eason 2.3億豪宅　徐媽住居屋逼巴士阿徐,陳奕迅,Eason,徐濠縈,MW,

徐媽勁街坊

對比起唔貴唔潮都唔著嘅徐濠縈，徐媽媽除咗同個女一樣剪短髮外，一身打扮就同一般 C9無異，唔見有名牌。據街坊講，佢仲日日以巴士代步，真係慳家！

媽咪姐

阿徐收 Eason 2.3億豪宅　徐媽住居屋逼巴士

近期成日見到陳奕迅（ Eason）躁鬱症爆發，講嘢同表演都跳咗掣嘅新聞，媽咪姐查實都幾心痛，事關一直覺得 Eason係近 10年最有 heart去唱歌（又唱得到嘛！）嘅歌手！查實「吹神」有齊所有香港男人最恨嘅四仔：屋仔、車仔、老婆仔同細蚊仔，仲要有大把錢，為乜咁愁呢？

好嘞，早幾日，大家終於發現其中一個壓力源頭，就係出名聽曬老婆話嘅 Eason又買屋送俾徐濠縈。阿徐要求唔高㗎，係市值 2億 3千幾萬嘅壽臣山村道獨立屋啫。為咗供樓，「吹神」一年裏面飛勻歐美、亞洲多個國家巡迴演唱，真係唱到氣咳，水都唔得閒吹。咁老婆阿徐呢，咪繼續 shopping，等住再升呢住 house囉！不過值得講嚇嘅係，媽咪姐收到讀者報料，話成日喺沙田撞到阿徐媽媽喺茶餐廳打躉，然後就行嚇附近嘅商場。但徐媽媽同個女最大嘅分別係，佢絕大多數時間都係 window shopping，行兩圈就走去逼巴士返屋企。嗱，徐媽唔係住豪宅，甚至唔係乜嘢大型屋苑，佢住喺有 18年樓齡嘅居屋美松苑啫，你話呢位星媽係咪好親民呢？

媽咪姐只想講句，做阿媽嘅應該唔太介意無豪宅住嘅，不過做女嘅如果有時間四圍飛去食好嘢、買靚衫，不如同阿媽去多幾次旅行啦！大家都有個女，大家都會老囉。