2014年1月30日 星期四

[忽然1周 966] 情慾戲前夫冇眼睇 羅霖:個仔唔覺尺度大膽 羅霖,BKD_S,MW,




今年 48歲的羅霖自離婚後,一於豁出去。對於前夫稱冇留意其新戲演出,羅霖表示冇所謂。

娛樂喧

情慾戲前夫冇眼睇 羅霖:個仔唔覺尺度大膽

由才子陶傑編導,以色慾包裝控訴社會問題的《愛•尋•迷》,雖然 3月才上畫,但預告一出便成為熱話,其中 48歲的羅霖和 30歲的關楚耀幾場肉搏戲,尺度火辣大膽。

去年宣布與劉坤銘離婚的羅霖要自力更生,獨力撫養細仔。今次羅霖豁出去的演出,雖然獲得不少好評,不過前夫劉坤銘,卻冷淡拋下一句:「冇留意!」

同牀 18年,如今頓變陌路人,羅霖亦劃清界線:「我都唔想佢留意我嘅新聞。」懶理前夫潑冷水,最緊要有三個仔支持,「個仔唔覺得尺度大膽。」

其他影片
  • 失婚要自強 羅霖曬拜年行頭

劉坤銘早前出席活動,被問到前妻的激情演出,會否影響三子時,他有骨說:「佢識分析,佢自己決定呢啲嘢。」

戲如人生,羅霖在新片中飾演離婚闊太,整頭時認識髮型師關楚耀。由於芳心寂寞,主動色誘想借她上位的關楚耀,二人由髮型屋肉搏到牀上,連場激戰。

9成男人有反應

今年 48歲的羅霖雖然飽歷風霜,但樣貌和身材堅過不少嫩口𡃁妹。預告片曝光後,熱爆全城。她說:「我都冇諗過有咁大迴響。起初我覺得 Mandy Lieu同盛朗熙兩個演員後生,身材又好,大家應該集中喺佢哋身上。依家有咁嘅效果,我真係有啲意外。」

羅霖瞬間成為宅男性幻想對象,記者搜查不少討論區,發現一些網友大談她的惹火身材,留言露骨。她自信說:「我好榮幸喺高登都有迴響,希望啲人注意我嘅表現,而唔係激情戲方面。我知道 90%男士反應都係好,暫時未知女性觀眾嘅睇法。我唔介意被指重口味,有話題即係代表有人知。」

細仔跟羅霖

一直想爭取三子撫養權,但最後只分得細仔 Jonathan。羅與細仔感情要好,經常帶他出席活動。

前夫擸兩子

劉坤銘現時擸了大仔及二仔撫養權,早前本刊便拍得三父子到銅鑼灣行街。

牀戰前與仔商量

雖然羅霖的大膽演出成為熱話,但前夫劉坤銘早前出席活動時卻表示冇留意,攞明與羅霖劃清界線。前夫冇眼睇,羅霖亦冇咁好氣說:「我都唔想佢留意我嘅新聞,留意仲煩,我都唔會留意佢嘅新聞!」

這刻,羅霖最關心是三個仔的感受,畢竟新片甚具話題性,她始終要面對其他家長言論。對此她說:「拍之前都有同啲仔商量過,俾佢哋知有親熱鏡頭。大仔話佢平時睇啲戲經常有(激情場面)㗎啦;二仔仲講笑問我有幾多片酬;細仔亦都好明白。其實佢哋讀國際學校睇開外語片,睇完套戲嘅預告片,唔覺得尺度好大(膽)。屋企人百分百支持,其他嘢唔使理。」

閒言閒語,羅霖早於去年宣布離婚時聽過不少。「離婚當然有人睇唔起,搵嘢做嗰陣覺得前路茫茫。」現時已練成百毒不侵之身,除了積極出騷搵錢,還要在投資移民公司做 OL,身兼數職。「每個女人結咗婚都唔想離婚,好多嘢都係迫不得已。既然離咗婚就要堅強,勇敢面對未來嘅路,新一年希望重新上路。」

啜不倒胸

羅霖於《愛.尋.迷》中演出豪放,她躺在牀上任由關楚耀啜勻全身,更騷不倒胸神技。

洗頭出事

羅霖到髮型屋整頭時睇中關楚耀,不時身穿低胸裝色誘他。

從後生擒

二人於戲內至少有三場激烈牀戰,其中一場關楚耀從後生擒羅霖,演繹非常逼真。

變性幻想對象

因為新片演出大膽,羅霖成為不少男性網友性幻想對象,留言相當露骨。

拍檔齊撐

羅霖拍裸戲成為話題,《愛.尋.迷》片中拍檔亦對她評論多多。

陶傑讚高貴

導演陶傑大讚羅霖性感,是角色好人選。「佢差唔多 48歲,但 keep得好,同埋個樣好性感,高貴得嚟有種純真味。呢套戲係講香港啲洗頭仔,點樣呃個貴婦,呃佢啲身家,財色兼收,咁梗係要搵一個好 convincing(說服力)嘅嚟做啦,羅霖係一個好人選。」

關楚耀讚索

關楚耀:「拍攝嗰陣唔緊張唔尷尬,我鍾意對手夠放,但羅霖姐有少少緊張。佢將第一次銀幕初吻俾咗我,佢呢個年紀仲咁弗,真係好索。」

Mandy Lieu暗寸不倒胸

有份拍攝電影另一單元的 Mandy Lieu,一樣有不少騷胸大膽演出,提到羅霖的不倒胸,她大讚對方 keep得好,不過亦不忘暗寸︰「我覺得佢好犀利, keep得好好。我嗰個(胸部)會倒,等我返去留意嚇佢。」

人妻豁出去

圈中不少索爆人妻不甘示弱,雖然過 40歲,不過身材惹火,豁出去盡露亦獲得不少迴響。

劉嘉玲

劉嘉玲與梁朝偉結婚後,接戲一樣冇底線。 10年,她與薑文合作拍《讓子彈飛》,雖然戲份不算多,但被薑文在牀上用盡左右手揸胸一幕,印象深刻。

鍾麗緹

98年已是一女之母的鍾麗緹高調復出,一脫求突破。她於電影《晚孃》中全身赤裸,跟 15歲男主角有性愛場面。之後再在法國電影《色戒》露點挑逗僧人。

章小蕙

育有一子一女的章小蕙, 99年搭上有婦之夫陳曜旻,與鍾鎮濤離婚。 5年後,當時 41歲的她,接拍三級片《桃色》。處女作演出大膽,鏡頭前露點扮狗。

失婚要自強 羅霖曬拜年行頭

羅霖早前到花墟買水仙,亦專登著住紅色 Chanel套裝,夠曬應節。

嫁入豪門的羅霖,多年來相夫教子,經歷婚姻失敗後,由少奶奶變為打工仔,獨力搵錢撫養兒子。她指重新包裝自己,要由內到外。「現代女性扮靚當然緊要,起碼行出嚟都 sharp啲。不過除咗外表,自信都好重要。當你見識得多,吸收豐富知識,有自己嘅內涵修養,先散發到真正美。」離婚接近兩年的她,已放聲氣接受新戀情。「一路都有人追,只不過拒絕咗,依家開始識唔同人,會考慮(同佢哋)出嚇街。如果對方鍾意我,一定要接受埋我囝囝。」

女人要重生,始終由扮靚開始。臨近新年,羅霖準備大堆私夥靚衫出席活動,寓意「紅」運當頭,新一年有好開始。「過年期間著顏色鮮艷嘅衫,影相靚啲,老人家見到紅噹噹會覺得開心喜慶。」

訂造靚衫

鍾情 tude dress晚裝的羅霖,大部分由設計師 Dora Chu包辦,實冇撞款。「就算幾貴嘅品牌亦有機會撞衫,我都有試過呢啲尷尬場面。近年我鍾意著 Dora Chu嘅衫,因應我身形造出唔同款式,好似呢條花裙加咗啲細節位已經好搶,只要襯條水晶頸鏈已經好突出。」

閃爆名袋

「 clutch最啱去 party,成個 look比較 elegant。新年最好襯啲金、銀、紅色, bling bling就更加百搭。」

閃石踭夠搶

「今季嘅高踭鞋好興個踭有 details,有時襯短裙騷到雙腳外,鞋踭亦成為另一焦點。呢對銀色鞋好易襯,粗踭位鑲滿水晶,啱曬去拜年。」

Chanel鏈

羅霖家裏收藏過千件飾物, Swarovski、 Thomas Sabo、 Arte等都有齊,不過數目最多都是 Chanel。「飾物可突出造型,斯文、型格款式都有,我最鍾意古董款襯淨色晚裝,帶出復古味道。」

其他影片
  • 失婚要自強 羅霖曬拜年行頭


鍾意就快D Share啦!
Related Posts Plugin for WordPress, Blogger...